შოთა არველაძე: ეს არის გუნდი, რომელიც ყველას გვაერთიანებს

"ლელო" ტაშკენტში დაუკავშირდა შოთა არველაძეს და იქაური "პახთაქორის" მთავარ მწვრთნელს ქართველი მკითხველისათვის საინტერესო თემებზე ესაუბრა.

- საქართველოს ნაკრებისათვის ახალი სეზონი იწყება და ჩვენც იმედიანად ვართ. ღმერთმა ნუ ქნას, უიმედოდ ვიყოთ. მე მჯერა, რომ თუნდაც სამწვრთნელო შტაბი უკვე იმაზე წინაა და იმაზე უკეთ იცნობს ნაკრებს, როცა ჩამოვიდა საქართველოში. მე მჯერა, რომ ფეხბურთელებმა უკვე ზუსტად იციან, რას ითხოვენ მათგან მწვრთნელები. ეს არის გუნდი, რომელიც ყველას გვაერთიანებს და გუნდი, რომლისგანაც დიდ სიხარულს ველით.

შოთას "პახთაქორი" აზიის ჩემპიონთა ლიგისთვის იბრძვის:

- ჯერ არ ვართ აზიის ჩემპიონთა ლიგაზე გასულები, მაგრამ ახლოს კი ვართ. მესამეადგილოსანი საკვალიფიკაციო ეტაპიდან ერთვება ამ შეჯიბრებაზე. ჩვენი მიზანი სწორედ ამ ტურნირზე გასვლა და წარმატებით თამაშია. მეორე ადგილზე გასვლის შანსიც გვაქვს. უშუალო კონკურენტთან თამაში გვაქვს დარჩენილი და, ვეცდებით, ის ჩვენს სასარგებლოდ დავასრულოთ.

შოთა არველაძის ვრცელ ინტერვიუს გაზთ "ლელოს" 9 ნოემბრის ნომერში იხილავთ

869
მკითხველის კომენტარები / 0 /
მსგავსი ამბები
რუბრიკის სხვა სიახლეები