РИА НОВОСТИ: სლუცკიმ და ანანიძემ ილაპარაკეს, ვიტესში იჯარა გადაწყვეტილია

რუსული სააგენტო "რია ნოვოსტის" ინფორმაციით, საქართველოს ეროვნული ნაკრების ერთ-ერთი ლიდერის, ჯანო ანანიძის ტრანსფერი არნემის "ვიტესში" გადაწყვეტილი ამბავია.

ჯანო ჰოლანდიურ კლუბთან კონტრაქტს უახლოეს მომავალში გააფორმებს. ამჟამად "ვიტესი" პორტუგალიაშია, სადაც შეკრებას გადის. გუნდი შინ 12 იანვარს დაბრუნდება.

ტრანსფერი საბოლოოდ გადაწყდა მას შემდეგ, რაც ჯანომ და "ვიტესის" მთავარმა მწვრთნელმა ლეონიდ სლუცკიმ ილაპარაკეს. სლუცკი კარგად იცნობს საქართველოს ნაკრების ერთ-ერთი ლიდერის შესაძლებლობებს იმ დროიდან, როცა ცსკა-ს მწვრთნელი იყო.

გავრცელებული ინფორმაციით, ქართველი ფეხბურთელი გურამ კაშიას, ვაკო ყაზაიშვილისა და გიორგი ჭანტურიას ყოფილ კლუბში იჯარის წესით ითამაშებს.

1953
მკითხველის კომენტარები / 0 /
მსგავსი ამბები
რუბრიკის სხვა სიახლეები
;