აბუ დაბის გრან პრი: ზებედა რეხვიაშვილი მედლის გარეშე დარჩა

ქართველი ძიუდოისტი ზებედა რეხვიაშვილი (81) აბუ დაბის გრან პრიზე მედლის გარეშე დარჩა.

რეხვიაშვილი ბრინჯაოსთვის შეხვედრაში რუსს ალან ხუბეცოვს შეხვდა და ორი ვაზარით დამარცხდა.

რეხვიაშვილმა პირველსავე შეხვედრაში მოლდოველ დორინ გოტონოაგასთან ვაზარით მოიგო, შემდეგ ფრანგ ჯონათან ალარდონს ორი გაფრთხილება მიაღებინა და ისე მოიგო, ნახევარფინალის საგზური კი ირანელ საიდ მოლასთან შეხვედრაში მოიპოვა, სადაც მეტოქეს ასევე ორი გაფრთხილება მიაღებინა. ნახევარფინალში კი ჰოლანდიელ ფრანკ დე ვიტთან ვაზარით წააგო.

შეგახსენებთ, რომ პირველ დღეს ბრინჯაოს მედალი ვაჟა მარგველაშვილმა მოიპოვა (66).

ხვალ, 28 ოქტომბერს, საქმეში დარჩენილი სამი წონა და ჩვენი ორი ფალავანი ჩაებმება. ევროპის კიდევ ერთი ბრინჯაოს მედალოსანი ბექა ღვინიაშვილი (90) მეორე წრეშია დაშვებული, 100-ში კი ვალერი ლიპარტელიანი ისვენებს თავიდან.

1440
მკითხველის კომენტარები / 0 /
მსგავსი ამბები
რუბრიკის სხვა სიახლეები
;