აბუ დაბის გრან სლემის ფინალში ბექა ღვინიაშვილი ნიკოლოზ შერაზადაშვილს შეხვდება

28 ოქტომბერს, აბუ დაბიში მიმდინარე ძიუდოისტთა გრან სლემზე, 90 კგ-მდე წონითი კატეგორიის ფინალში გავიდა ბექა ღვინიაშვილი, რომელსაც ოქროს მედლისთვის ბრძოლაში მეტოქედ ესპანეთის სახელით მოჭიდავე ნიკოლოზ შერაზადაშვილი ეყოლება.

ბექა ტურნირში მეორე წრიდან ჩაება და ჯერ ბრაზილიელ ედუარტო ბეტონის, შემდეგ კი ტაჯიკ კომრონშოხ უსტოპირიონს სუფთად სძლია. 1/2-ფინალში ქართველმა ძიუდოისტმა რუს ალეკსანდრ როსლიაკოვს დამატებით დროში ვაზარით აჯობა.

აბუ დაბიში ფინალური ბლოკი თბილისის დროით 17:00 სთ-იდან დაიწყება.

დღესვე ტურნირზე 100 კგ-მდე წონით კატეგორიაში ვალერი ლიპარტელიანმაც იჭიდავა, თუმცა სტარტზევე დამარცხდა. ამ დროისთვის საქართველოს ნაკრების ანგარიშზე აბუ დაბიში მოპოვებული ერთი ბრინჯაოს მედალია, რომლის მფლობელიც პირველ დღეს ვაჟა მარგველაშვილი (66) გახდა.

1340
მკითხველის კომენტარები / 0 /
მსგავსი ამბები
რუბრიკის სხვა სიახლეები
;