ადრიატიკის ლიგა: ბითაძემ სკოპიე აეროდრომს ჩაუფრინა

გოგა ბითაძის "მეგა ბიმაქსმა" ადრიატიკის ლიგაზე გასვლითი მატჩი მოიგო, რაშიც 18 წლის ქართველის წილი სოლიდურია. სერბული კლუბი მაკედონიის "სკოპიე აეროდრომს" ესტუმრა და დამაჯერებლად - 92:76 დაამარცხა.

ბითაძე სასტარტო ხუთეულში იყო და 24 წუთში 8 ქულა და 12 მოხსნა მოაგროვა. გოგამ 5-დან 3 ორქულიანი და 2 საჯარიმო ჩააგდო.
ქართველი ლეგიონერის მოედანზე ყოფნის პერიოდში სერბულმა კლუბმა მეტოქეზე 18 ქულით მეტი ჩააგდო, რაც საუკეთესო მაჩვენებელი გახლდათ. "მეგა ბემაქსმა" 3 მოგებითა და 4 მარცხით მე-6 ადგილზე გადაინაცვლა.

შემდეგ მატჩს კი 11 ნოემბერს, შინ, ბელგრადის "პარტიზანთან" გამართავს.

ყოველდღიური სპორტული გაზეთი "ლელო"
413
მკითხველის კომენტარები / 0 /
მსგავსი ამბები
რუბრიკის სხვა სიახლეები