ადრიატიკის ლიგა: გოგა ბითაძეს ორმაგ დუბლამდე ერთი ქულა დააკლდა

ადრიატიკის ლიგის მე-6 ტურში გოგა ბითაძის "მეგა ბიმაქსმა" ხორვატულ "ცედევიტას" უმასპინძლა. ხორვატები ლიგის ერთ-ერთი ფავორიტები არიან, თუმცა გამარჯვების მიღწევა მაინც გაუჭირდათ.

მთელი თამაში სერბები იგებდნენ, მხოლოდ მეოთხე პერიოდში გამოასწორეს ცედევიტელებმა თამაში, 10-წუთიანი მონაკვეთი 40:21 მოიგეს და მატჩიც თავის სასარგებლოდ დაასრულეს - 81:77.

გოგა სასტარტო ხუთეულში იყო და ნაყოფიერადაც იმუშავა. 31 წუთში მან 9 ქულა, 10 მოხსნა, 4 დაფარება, 2 ჩაჭრა და 1 პასი მოინაგრა. მის ანგარიშზე 6-დან 5 საჯარიმო და 7-დან 2 ორქულიანია.

მატჩის ბომბარდირი ბიმაქსელი ნიკოლა რებიჩი გახდა, რომელმაც 21 ქულა ჩააგდო.

ადრიატიკის ლიგაზე 6 ტურის შემდეგ "მეგა ბიმაქსს" 2 მოგება აქვს და მერვე პოზიციაზეა. მომდევნო შეხვედრას მაკედონიაში გიორგი ცინცაძის ყოფილ კლუბ "სკოპიესთან" გამართავს.

519
მკითხველის კომენტარები / 0 /
მსგავსი ამბები
რუბრიკის სხვა სიახლეები