ილიას ზუროსი: მადლობა ქომაგს - როდესაც ქვეყანას სჭირდება, ქართველები ყველგან არიან!

საქართველოს ნაკრების მთავარი მწვრთნელი ილიას ზუროსი მატჩის შემდეგ გახარებული იყო, თუმცა ემოციებს იკავებდა. მან მადლობა გადაუხადა გუნდს, თითოეულ კალათბურთელს.

"საქართველოს ნაკრებთან ერთად მოსამზადებლად დრო ფაქტობრივად, არ გვქონდა. რთულია ორ-სამ დღეში გუნდის აწყობა, მაგრამ ამის მიუხედავად, კალათბურთელებმა გულით ითამაშეს, ყველაფერი ჩადეს თამაშში და გამარჯვებაც ამის შედეგია.

ძალიან კარგად დაიწყო ნიკოლოზ ცქიტიშვილმა, მშვენივრად დაასრულა გოგა ბითაძემ. განსახუთრებით დაცვაში შესანიშნავი იყო აკაკი დვალიშვილი. მოწოდების სიმაღლეზე იყო როგორც წინა ხაზი, ასევე უკანა ხაზი, ფორვარდები: დიდი მოცულობის სამუშაო შეასრულეს მიხეილ ბერიშვილმა, ლევან ფაცაციამ. ძალიან დაგვეხმარნენ მერაბ ბოქოლიშვილი, გიორგი ცინცაძე, რომელმაც ტრავმის გამო მატჩი ვერ დაასრულა. მაიკლ დიქსონი, როგორც ყოველთვის გულიანად თამაშობდა.

განსაკუთრებით მინდა აღვნიშნო ქართველთა ქომაგობა. როდესაც ქვეყანას სჭირდება, ქართველები ყველგან არიან."

6637
მკითხველის კომენტარები / 0 /
მსგავსი ამბები
რუბრიკის სხვა სიახლეები