ავსტრიული შეკრების სტარტი

საქართველოს ეროვნულმა ნაკრებმა ავსტრიაში საწვრთნელი შეკრება არასრული შემადგენლობით დაიწყო. 26 მაისს, დაბა ბად ჰერინგში, ვლადიმირ ვაისის გუნდმა მხოლოდ 12 ფეხბურთელით ივარჯიშა.

ნაკრები დღეისთვის ნაწილობრივ შეივსება. ჯაბა კანკავა, ნიკა კვეკვესკირი, ჯაბა ჯიღაური და ბაჩანა არაბული, საკლუბო მატჩების გამო, მხოლოდ ლუქსემბურგთან მატჩში ითამაშებენ. სულ კი ვაისის სიაში 27 ფეხბურთელია:

მეკარეები - გიორგი მაკარიძე (რიუ ავე, პორტუგალია), როინ კვასხვაძე (ტორპედო), ზაურ მახარაძე (ოლიმპიკი დონეცკი, უკრაინა);

მცველები - გურამ კაშია (ვიტესი, ჰოლანდია), ჯაბა ჯიღაური (ორდაბასი, ყაზახეთი), ლევან გეგეჭკორი (რუსთავი), საბა კვირკველია (ლოკომოტივი, რუსეთი), დავით ხოჭოლავა (შახტარი, უკრაინა), ლაშა დვალი (პოგონი, პოლონეთი), გიორგი ნავალოვსკი (სკა ენერგია, რუსეთი), ლაშა შერგელაშვილი (რიგას ფს, ლატვია), ლევან ხარაბაძე (დინამო თბ);

ნახევარმცველები - ჯაბა კანკავა, ნიკა კვეკვესკირი (ორივე - ტობოლი, ყაზახეთი), გიორგი აბურჯანია (სევილია ატლეტიკო, ესპანეთი), ოთარ კიტეიშვილი (დინამო თბ), ვაკო გვილია (ლუცერნი, შვეიცარია), ბექა ვაჩიბერაძე (რიგას ფს, ლატვია), საბა ლობჟანიძე (რანდერსი, დანია), გიორგი ბერიძე (ტრენჩინი, სლოვაკეთი),

გიორგი ჩაკვეტაძე (გენტი, ბელგია), ვახტანგ ჭანტურიშვილი (ტრნავა, სლოვაკეთი), გიორგი ხარაიშვილი (გიოტებორგი, შვედეთი);

თავდამსხმელები - ნიკა კაჭარავა (კორონა, პოლონეთი), ბუდუ ზივზივაძე (დინამო თბ), ლადო დვალიშვილი (ჰაპოელ აშქელონი, ისრაელი), ბაჩანა არაბული (ბალმაზივაროში, უნგრეთი).

ყოველდღიური სპორტული გაზეთი "ლელო"
902
მკითხველის კომენტარები / 0 /
მსგავსი ამბები
რუბრიკის სხვა სიახლეები
;