აზარი 'რეალში' არ გამოდის? სარი ბელგიელს აბამს...

პრაქტიკულად გადაწყვეტილია, რომ ბელგიის ნაკრებისა და "ჩელსის" ვარსკვლავ ედენ აზარს მადრიდის "რეალში" ვერ ვიხილავთ.

არადა, საქმე იქითკენ მიდიოდა, რომ გარიგება მალე უნდა მომხდარიყო. ყველაფერი გადაწყვიტა "სამეფო კლუბის" ახალი მთავარი მწვრთნელის, ხულენ ლოპეტეგის პოზიციამ.

"ასის" ინფორმაციით, ესპანეთის ნაკრების ყოფილი დამრიგებელი სულაც არ იწვის აზარის გადაბირების სურვილით, რადგან უნდა, რომ გუნდში მარკო ასენსიოსა და ისკოს როლები კიდევ უფრო გააფართოოს.

ესპანელი მიმომხილველები მიიჩნევენ, რომ ლოპეტეგის მოსვლის შემდეგ ისკო "რეალის" საკვანძო ფეხბურთელი გახდება. მაშინაც კი, როცა ეს ნახევარმცველი "ლოს ბლანკოსის" ძირითად შემადგენლობაში ვერ ხვდებოდა, ლოპეტეგი მას სისტემატურად ანდობდა ადგილს ესპანეთის ნაკრების სასტარტო თერთმეტეულში.

ამასობაში, ვრცელდება ინფორმაცია, რომლის თანახმადაც, "ჩელსის" ახალი მთავარი მწვრთნელი მაურიციო სარი მზადაა, კაპიტნის სამკლავური სწორედ აზარს გადააბაროს.

ყოველდღიური სპორტული გაზეთი "ლელო"
732
მკითხველის კომენტარები / 0 /
მსგავსი ამბები
რუბრიკის სხვა სიახლეები