აზერისპორტი: ჩამოვიყვანოთ ლორია აზერბაიჯანში!

გიორგი ლორიას ტრანსფერი ყაზახურ „ტობოლში“ გადაწყვეტილ ამბად მოჩანდა, მაგრამ ეტყობა, მთლად ასე არ არის საქმე. ცდომილება ამ შემთხვევაში არაფერ შუაშია, საქმე ისაა, რომ ამის თაობაზე ავტორიტეტულმა ყაზახურმა მედიასაშუალება „პროსპორტმა“ დაწერა.

ყაზახეთის ფეხბურთის ფედერაციის აღმასკომმა, შესაძლოა, მიიღოს კანონი, რომლის მიხედვით 30 წელს გადაცილებულ ლეგიონერებზე შეზღუდვები დაწესდება. თუმცა, პროექტში ორი გამონაკლისია გათვალისწინებული: პირველი - ეს აკრძალვა არ შეეხება იმ ფეხბურთელს, ვინც ფიფას მაღალი რეიტინგის ნაკრებში ასპარეზობს. მეორე - აკრძალვა არ იმოქმედებს იმ შემთხვევაში, თუ კლუბსა და ფეხბურთელს შორის უკვე ხელმოწერილია კონტრაქტი.

ლორია სულ მალე 33 წლის გახდება. თუ ეს კანონი მიიღეს, ამან, შეიძლება, გიორგი მერებაშვილის სავარაუდო ტრანსფერსაც შეუშალოს ხელი. ის ახლა 32 წლისაა. როგორც ჩანს, ეს ინფორმაცია შეიტყვეს აზერბაიჯანელებმაც. იქაურმა „აზერისპორტმა“ ლორიას თაობაზე დაწერა.

„ფაქტია, რომ აზერბაიჯანში ქართველი ფეხბურთელები მუდამ მაღალ დონეზე ასპარეზობენ. მეტიც, შეგვიძლია თამამად დავწეროთ, რომ ზოგიერთი მათგანი ჩვენს ქვეყანაში აჭარბებს კიდეც თავის სათამაშო დონეს.

ლორიას სათამაშო დონის პრობლემა ნამდვილად არ აქვს. ის იყო ბერძნულ „ოლიმპიაკოსში“, თამაშობდა რუსეთში, მისი ბოლო კლუბი კი „კრილია სოვეტოვი“ გახლდათ. ლორია აღარ არის ახალგაზრდა, მაგრამ ხდება ხოლმე, რომ მეკარეები სწორედ ამ ასაკიდან იწყებენ თამაშს. ქართველი მეკარე აზერბაიჯანის ჩემპიონატში მოასპარეზე ნებისმიერ კლუბს გააძლიერებდა“, - წერენ აზერბაიჯანელები.

ყოველდღიური სპორტული გაზეთი "ლელო"
948
მკითხველის კომენტარები / 0 /
მსგავსი ამბები
რუბრიკის სხვა სიახლეები
;