'აიამ' რეკორდი დაამყარა

რეგულარული გათამაშების გამარჯვებული ბოლო ტურში გამოვლინდება. უკვე ცნობილია იმ ორი გუნდის ვინაობაც, რომლებიც ნახევარფინალის შესარჩევ მატჩებს უმასპინძლებენ. ესენია: გორის "ჯიქი" და "ბათუმი". გასარკვევი ისღაა, ვინ იქნებიან მათი მეტოქეები.

აია-არმია 79:0
აია: 13ლ - ძნელაძე (4), მანაგაძე, დანგაძე, წივწივაძე, თუთბერიძე, ბაბუნაშვილი, ტორაძე, მღებრიშვილი, ლოსაბერიძე, ღონღაძე. 7გ - ლოსაბერიძე (3), ძნელაძე (4)
მსაჯი: ილია საჯაია

როგორც მოსალოდნელი იყო, ქუთაისის "აიამ" დიდი ანგარიშით გაიმარჯვა. თუმცა, ასეთ უზარმაზარ სხვაობას ნამდვილად არავინ ელოდა. "აიამ" ეროვნულ ჩემპიონატში რეკორდი დაამყარა. ისტორიაში ყველაზე დიდი სხვაობით მოიგო და ერთ მატჩში ყველაზე მეტი, 13 ლელო გაიტანა. აქედან ოთხი ლელო გუნდის ლიდერის და სეზონის ერთ-ერთი საუკეთესო მელელოვის, ზურაბ ძნელაძის ანგარიშზეა.

აკადემია-არმაზი 17:7
აკადემია: 2ლ - ხელაია, ჯ. ღამბაშიძე. 2გ, ს - მოძღვრიშვილი
არმაზი: ლ - ბრეგვაძე. გ - ჯინჭველაშვილი
მსაჯი: გია ამირხანაშვილი

ამ გუნდების მატჩს ერთადერთი დანიშნულება ჰქონდა - პრესტიჟი. ამასთან ერთად, "აკადემია" და "არმაზი" სატურნირო ცხრილში მეზობლები არიან და, ცხადია, ორივეს უნდა უკეთეს პოზიციაზე დაასრულოს ჩემპიონატი. "აკადემია" ამჯერად უფრო ძლიერი გამოდგა და მეტოქეს დამსახურებულად სძლია.

ბათუმი-ხარები 28:24
ბათუმი: 4ლ - საჯარიმო, ბუჯიაშვილი, მამრიკიშვილი, ურჯუკაშვილი. 3გ - კობახიძე
ხარები: მელიქიშვილი, ქანდაურაშვილი (2), წიკლაური. 2გ - ხუციშვილი.
სინბინი: ხაბაშვილი
მსაჯი: სულხან ჩიხლაძე

ორივე გუნდი პლეი ოფში ითამაშებს და ამ მატჩმაც გვანახა, რა დაძაბული ბრძოლები გველის წინ. თამამად შეიძლება ითქვას, რომ გამარჯვებულის ვინაობის წინასწარ განჭვრეტა ჩემპიონატის დასკვნით ეტაპზე შეუძლებელი იქნება. "ხარები" მეტოქეს 50 წუთის განმავლობაში აშკარად ჯობდნენ და ამ დროისთვის მასპინძლებს 24:14 უგებდნენ. "ბათუმმა" ბოლო 25-წუთიანი მონაკვეთი აღმავლობით ჩაატარა, სტუმრებს ორი ლელო გაუტანა და გამარჯვება ხელიდან გამოგლიჯა.

ლელო-ჯიქი 20:28
ლელო: 2ლ - ახობაძე, დუგლაძე. 2ს, 2გ - ყიასაშვილი
სინბინი: ჯულაყიძე
ჯიქი: 3ლ - კლდიაშვილი, ტრაპაიძე, ჯინჯიხაძე. 3ს,2გ - ნინიძე.
სინბინი: ჭყოიძე
მსაჯი: შოთა თევაზაძე

"ლელო" ამ მატჩამდე ჯერ კიდევ ინარჩუნებდა შანსს მისთვის ხელსაყრელი ადგილი დაეკავებინა სატურნირო ცხრილში, რათა პლეი ოფში შინ ეთამაშა. ქვეყნის მოქმედ ჩემპიონს "ჯიქს" პირველ ტაიმში გაუჭირდა და მხოლოდ მინიმალური სხვაობით შეძლო მასპინძლების დამარცხება - 11:10. შესვენების შემდეგ გორელთა უპირატესობა კიდევ უფრო გამოიკვეთა, რაც ანგარიშშიც აისახა.

ლოკომოტივი-ბაგრატი 59:0
ლოკომოტივი: 8ლ - ბეგაძე, ქვათაძე (2), შკინინი (3), გაგოშვოლი (2). 6გ - წიკლაური
ბაგრატი: სინბინი - ჩაუჩიძე
მსაჯი: ონისე მოგელაშვილი

დიდი ანგარიშით გაიმარჯვა ჩემპიონატის კიდევ ერთმა ფავორიტმა თბილისის "ლოკომოტივმა". ცხადია, უმაღლესი ლიგიდან უკვე გავარდნილი "ბაგრატი" უმოტივაციოდაა. ამიტომ, რკინიგზელები ეცადნენ ერთი დღით ადრე "აიას" მიერ დამყარებული რეკორდის გაუმჯობესებას, მაგრამ არ გამოვიდა.

"ლოკომოტივმა" მეტოქეს რვა ლელო გაუტანა. აქედამ სამი გიორგი შკინინის ანგარიშზეა, რომელიც ქუთაისელ ძნელაძესთან ერთად ჩემპიონატის საუკეთესო მელელოვეს ტიტულისთვის იბრძვის.

თ მ ფ წ ბ ქ(პ)
1. აია 17 15 0 2 +287 66(6)
2. ლოკომოტივი 17 14 0 3 +177 65(9)
3. ჯიქი 17 11 1 5 +165 57(11)
4. ბათუმი 17 11 1 5 +129 54(8)
5. ლელო 17 10 0 7 +50 46(6)
6. ხარები 17 9 1 7 +8 44(6)
7. აკადემია 17 4 0 13 -15 28(12)
8. არმაზი 17 5 1 11 -89 28(6)
9. არმია 17 3 0 14 -292 15(3)
10. ბაგრატი 17 1 0 16 -420 5(1)

XVIII ტური

14 აპრილი
ხარები-აია
ჯიქი-ბათუმი
არმაზი-ლელო
ბაგრატი-აკადემია
არმია-ლოკომოტივი

ყოველდღიური სპორტული გაზეთი "ლელო"
1236
მკითხველის კომენტარები / 0 /
მსგავსი ამბები
რუბრიკის სხვა სიახლეები
;