[VIDEO] აიაქსის დიადი აკადემია: როგორ იზრდებიან ტალანტები წელიწადში 12 ევროდ

ჰოლანდიას ყოველთვის ჰქონდა განსაკუთრებული გზა.  4-3-3 ტაქტიკური სქემა, შემტევი ფეხბურთი. ამ ყველაფერს ჰოლანდიის საფეხბურთო აკადემიებში ბავშვობიდან ასწავლიან.

მას შემდეგ რაც ჰოლანდია ვერ მოხვდა ევრო 2016-სა და მსოფლიოს ჩემპიონატზე, ქვეყანაში სისტემის კრიზისზე ალაპარაკდნენ. მიაჩნდათ, რომ 4-3-3 ძველებურად ეფექტურად, ვეღარ მუშაობდა, აკადემიის აღზრდილები ადრეულ ასაკში მიდიოდნენ ტოპ კლუბებში, იქ კი სათანადოდ ვეღარ პროგრესირებდნენ.

ბოლო მსოფლიოს ჩემპიონატზე ვერმოხვედრამ ყველაფერი შეცვალა. ახლა ჰოლანდიას მსოფლიოში საუკეთესო მცველები ჰყავს (ვან დაიკი, დე ლიხტი), ბრწყინვალე ნახევარმცველები (დე იონგი, ვიინალდუმი, დეპაი, პრომესი).

დღეს აიაქსი ჩემპიონთა ლიგის ნახევარფინალშია. ძირითადად, აკადემიის აღზრდილი ახალგაზრდული შემადგენლობით - „იუვენტუსთან“ მოედანზე 7 ასეთი მოთამაშე იყო.

აკადემიაში მხოლოდ მიწვევით - პრიორიტეტი ამსტერდამელებს ენიჭებათ

„აიაქსის“ საფეხბურთო აკადემია - აი, „აიაქსისი“ წარმატების მთავარი საიდუმლო. 1982 წლიდან მოყოლებული, თითქის ყველა მატჩში, ამსტერდამელთა შემადგენლობაში აკადემიის ერთი აღზრდილი მაინც არის მოედანზე, ამ სერიამ უკვე დაახლოებით 1751 მატჩს მიაღწია და კვლავაც გრძელდება.

ჰოლანდიაში „აიაქსის“ აკადემიას De Toekomst („მომავალი“) უწოდებენ. იგი მდებარეობს ამსტერდამის გარეუბანში, „იოჰან კრუიფის არენის“ სიახლოვეს. 12 სათამაშო მოედნით (მათ შორის არის ხელოვნურსაფრიანი მოედნებიც), სატრენაჟორო დარბაზით, მანეჟითა და კაფეებით. „მომავალი“ - ასე ჰქვია აკადემის ტერიტორიაზე განთავსებულ სტადიონსაც, რომელზეც ახალგაზრდული გუნდები თამაშობენ - ასეთი კი 10-ზე მეტია, დაწყებული 9-წლამდელთა გუნდებიდან.

აკადემიის განვითარებისთვის კლუბს დიდი გეგმები აქვს, აპირებენ 5 სათამაშო მოედნის დამატებას, გეგმაშია სტადიონის რეკონსტრუქციაც, რომელზეც ახალგაზრდული გუნდები და „აიაქსი 2“ თამაშობს.

აკადემიაში მოხვედრა არც ისე იოლია. იქ მხოლოდ კლუბის მიწვევით იღებენ მომავალ ვარსკვლავებს. ბავშვები სწავლას ძირითადად, 7-8 წლის ასაკიდან იწყებენ. აკადემიაში მიღებამდე მათ სკაუტები ყურადღებით აკვირდებიან, შესაძლოა, ეს დაკვირვება წელიწადზე მეტიც გაგრძელდეს. მხოლოდ ამის შემდებ იწვევენ ბავშვებს „აიაქსის“ აკადემიაში, საბოლოო სინჯებზე.

რაც შეეხება სკაუტებს, სრულფასოვანი კონტრაქტით აქ მხოლოდ 8 სკაუტი მუშაობს - 4 ჰოლანდიაში, 4 კი საზღვარგარეთ, მათ გარდა, აკადემიასთან 90-ზე მეტი შტატგარეშე სკაუტი თანამშრომლობს. ისინი ამა თუ იმ ფეხბურთელზე კლუბს აწვდიან ამომწურავ ინფორმაციას და შემდეგ უკვე სკაუტები აწარმოებენ მათზე დაკვირვებას.

„აიაქსის“ აკადემიისთვის პრიორეტეტულია ამსტერდამსა და მის შემოგარენში (მაქსიმუმ 60 კილომეტრი) მცხოვრები ბავშვები, რომლებიც დედაქალაქში ჩასვლას 1 საათზე მეტს არ მოანდომებენ. „ამსტერდამი თავისუფალი ქალაქია, რაც ხელს უწყობს კრეატიული ადამიანების ჩამოყალიბებას, ეს არის ჩვენი ფილოსოფია“ - აცხადებს აკადემიის შეფ-სკაუტი კასიმირ ვესტერველდი.

„აიაქსს“ აქვს მკვეთრად გამოკვეთილი ფილოსოფია, რომელმაც XX საუკუნეში ამ კლუბს წარმატება მოუტანა. ამსტერდამელები დღემდე არ ღალატობენ შემტევ სტილს და 4-3-3 ტაქტიკურ სქემას. აკადემიაში მოთამაშეთა პროგრესს განაპირობებს ტექნიკა, სწრაფი აზროვნება, ხასიათი და სისწრაფე. ყველა ამ პარამეტრს თავისი 10 მახასიათებელი აქვს, რის მიხიდვითან არჩევენ საბოლოოდ მომავალ ფეხბურთელებს.

აკადემიაში მუშაობისას განსაკუთღებული ყურადღებას ექცევა რამდენიმე ელემენტს: კოორდინაციაზე ვარჯის, დარტყმებს, პასებს, აუტების მოწოდებას, მოძრაობას, რომელიც ეხმარება ფეხბურთელს მეტოქის მოტყუებაში, პოზიციურ თამაშს...

ვესტერველდი ხსნის, რომ აკადემიაში გუნდები არ თამაშობენ მხოლოდ მოსაგებად ან წასაგებად, აკადემიისთვის გადამწყვეტია, რომ აღზარდოს რაც შეიძლება ბევრი ძლიერი ფეხბურთელი

სკოლა აკადემიაში

13-18 წლის ბავშვები და მოზარდები აკადემაში არსებულ უმაღლეს სკოლაში სწავლობენ. ისინი კვირაში 5-6 დღე ვარჯიშობენ, უქმე დღეებში კი თამაშობენ. ასეთი მჭიდრო გრაფიკიდან გამომდინარე, რთულია სრულფასოვანი განათლების მიღება, მაგრამ აკადემია აქაც ეხმარება თავის აღსაზრდელებს. ბავშვებმა მგზავრობაში დიდი დრო რომ არ დაკარგონ, მათ აკადემია ტრანსპორტით გადაადგილებაში ეხმარება, მოშორებით მცხოვრებთათვის კი გამოყოფილია კომპენსაცია მგვზარობისთვის. აკადემიის აღსაზრდელთა მშობლები წელიწადში მხოლოდ დაზღვევის ფულს, 12 ევროს იხდიან, დანარჩენი ყველაფერი უფასოა.

შედარებით უმცროსი ასაკის ბავშვები კვირაში სამჯერ ვარჯიშობენ, მათ შედარებით მეტი თავისუფალი დრო აქვთ და ამიტომ ჩვეულებრივ სკოლებში სწავლობენ. 13 წლამდე ბავშვებს ვარჯიშებზე ნაკლებად ტვირთავენ ტაქტიკური დავალებებით, ამ კომპონენტში ინტენსიური მეცადინეობა 13 წლიდან იწყება.

სკოლას აქვს საკუთარი ბიბლიოთეკა, მედიასტუდია, ენების შემსწავლელი სკოლა და სამეცნიერო აკადემიაც კი. მოსწავლეებს ასწავლიან ფსიქოლოგიას, სწორად კვებას, სამეცნიერო დისციპლინებს, ქცევის წესებს, ეკონომიკას და თქვენ წარმოიდგინეთ, ფინანსურ საკითხებზეც აძლევენ განათლებასაც, რისთვისაც „აიაქსმა“ 15 მასწავლებელი დაიქირავა.

დისციპლინა უპირველეს ყოვლისა...

აკადემიაში მწვრთნელებს დიდ ყურადღებას აქცევენ. ცდილობენ, რომ მცირეწლოვან ბავშვებთანაც კი ისეთმა ადამიანებმა იმუშაონ, ვისაც ფეხბურთის პროფესიულ დონეზე თამაშის გამოცდილება აქვთ. აკადემიის ყველა გუნდი ერთ სტილში და ერთიანი ტაქტიკით 4-3-3 თამაშობენ, აქცენტი ბურთის კონტროლზე და შეტევაზე კეთდება.

11x11-ზე „აიაქსის“ აკადემიაში თამაშს 11 წლიდან იწყებენ, მანამდე 8x8-ზე, 9x9-ზე, 10x10-ზე, შესაბამისი ზომის მოედნებზე თამაშობენ, მოედნის ზომას კი მოთამაშეთა რაოდენობის მიხედვით არჩევენ. აღსაზრდელებს თავიდანვე აჩვევენ, რომ თამაშისას მოედანზე მეტი სივრცეები აითვისონ.

„აიაქსის“ აკადემიაში უარი თქვეს მწვრთნელ-ფეხბურთლთა კლასიკურ დაყოფაზე - „ერთი ასაკობრივი ჯგუფი, ერთი მწვრთნელი“. ფეხბურთელები იყოფიან 7-12 წლამდე (დაწყებითი სკოლა), 13-16 წლამდე (საშუალო სკოლა), 17-20 წლამდე (უმაღლესი სკოლა). აკადემიაში 24 მწვრთნელი მუშაობს და ყურადღებით აკვირდება ყველა ასაკობრივ ჯგუფს, ეხმარება ცალკეულ ფეხბურთლებს.

უმცროსი ასაკის მოთამაშეებს თავიდან ასწავლიან ბურთის სწორად მიღებას, დარტყმებს, სწორად მოძრაობას, როგორც ფეხით, ასევე თავით. 13 წლიდან კი გადადიან სრულფასოვანი ვარჯიშის რეჟიმზე.

აკადემიაში ყველაფერი ძალიან მკაცრადაა. ვინც ვერ ართმევს თავს დავალებებს, ან ზარმაცობს მას აკადემიიდან რიცხავენ, თუმცა ამას ერთი ხელის მოსმით არ აკეთებენ, ფეხბურთელს ჯერ აფრთხილებენ რომ გარიცხვის საფრთხის წინაშეა, გარკვეულის დროის გასვლის შემდეგ თუ გამოსწორდება, მას აკადემიაში სწავლის გაგრძელების შანსი რჩება. მწვრთნელები და ხელმძღვანელები ყოვლეწლიურად აფასებენ მოთამაშეთა პროგრესს და ვინც გარკვეულ კრიტერიუმებს ვერ აკმაყოფილებს, ასაკის მიუხედავად, აკადემიიდან უშვებენ.

აკადემიაში ასეთ მკაცრ მიდგომას რასაკვირველია კრიტიკოსებიც ჰყავს, რომლებსაც მიაჩნიათ რომ ხელმძღვანელობა ძალიან მკაცრად იქცევა და ხშირად შეცდომებსაც უშვებს. სამაგალითოდ კი ჰოლანდიის ნაკრების ფეხბურთელის კვინსი პრომესს ასახელებენ, რომელიც 16 წლის ასაკში აკადემიიდან იმიტომ გარიცხეს, რომ ძალიან ხშირად ეკამათებოდა მწვრთნელებს და ასწავლიდა მათ, თუ რომელ პოზიციაზე ჯობდა მისი თამაში.

აკადემიის ხელმძღვანელობა საკმაოდ მკაცრია მწვრთნელების მიმართაც. თუ დაინახავენ, რომ მწვრთნელი წარმატებით ვერ მუშაობს, მას აკადემიიდან ათავაისუფლებენ.

*** 

„აიაქსის: დირექტორი ედვინ ვან დერ სარი აღიარებს, რომ „აიაქსი“ ტოპ კლუბებისთვის ფეხბურთელების მიმწოდებელი გახდა, - „ჩვენ ვთამაშობთ პატარა ჩემპიონატში. ფინანსური თვალსაზრისით არ არის აუცილებელი ფეხბურთელების გაყიდვა, მაგრამ მეორე მხრივ, დგება მომენტი, რომ მოთამაშეები აღწევენ გარკვეულ დონეს და სურთ ძალები უფრო მაღალი დონის კლუბებში მოსინჯონ.

ფეხბურთელებისთვისაც უკეთესია მაღალი დონის კლუბში გადასვლა, ასეთ დროს ბუნებრივია, თადარიგში არის ფეხბურთელი, რომელიც სრულფასოვნად შეცვლის წასულ მოთამაშეს“.

XXI საუკუნეში ფეხბურთელების გაყვიდიდან აიაქსმა 500 მილიონი ევრო გამოიმუშავა. 2018 წელს ამსტერდამულმა კლუბმა მისთვის ცოტა უჩვეულო სატრანსფერო პოლიტიკა აწარმოა - პრემიერლიგიდან იყიდა დუშან ტადიჩი და დეილი ბლინდი, შეინარჩუნა ლასე შენე და ჰაკიმ ზიეში და შედეგად მიიღო ის რომ, „აიაქსს“ ჩემპიონთა ლიგის ფინალამდე ერთი ნაბიჯიღა აშორებს...

დიდია იმის ალბათობა, რომ ზაფხულის სატრანსფერო ფანჯრის დროს ეს გუნდი გრანდებმა ფაქტობრივად, დაშალონ, მაგრამ დღევანდელმა „აიაქსმა“ თავისი სიტყვა თქვა და გულშემატკივარს თავი უკვე დაამახსოვრა...

4803
მკითხველის კომენტარები / 2 /
ილია
0
მოკითხვა ფეხბურთის ქართველ მამებს...
sake
0
საინტერესოა,არა ჰოლანდიელი ბავშვი იქ როგორ უნდა მოხვდეს?
მსგავსი ამბები
რუბრიკის სხვა სიახლეები
;