ალანები 2018-ის შუქ-ჩრდილები

ალანები 2018-ზე გუშინ უკვე შემოგთავაზეთ სტატია, თუმცა მხოლოდ ვლადიკავკაზში წარმატებულების შედეგები გაგაცანით. ვნახოთ, რა ქნეს სხვებმა...

57-ში პირველი ეტაპი ორმა ჩვენებურმა გადალახა. გიორგი ღონიაშვილიც 2:0 უგებდა ამერიკელ ფრენკ პერელის, როცა მეტოქემ ტრავმა მიიღო, ბექა ბუჯიაშვილმა კი 4:4-ზე უკეთესი მაჩვენებლებით ჩამოიშორა კრასნოიარსკელი ტუვინი არზილ არტიშ-ოოლი. ამ წონაში პირველივე პაექრობა მხოლოდ ოთარ გოგავამ დათმო:

6:12 დაღესტანელ იბრაგიმ აბდურახმანოვთან. მომდევნო პაექრობა ორივე ჩვენებურმა დათმო: ღონიაშვილმა 10:16 ბურიატ ჟარგალ დამდინოვთან, ბუჯიაშვილმა კი წმინდად, 0:11 წააგო დაღესტანელ აბასგაჯი მაგომედოვთან. თუმცა ბუჯიაშვილი მერე დამამშვიდებელში მაინც გადავიდა, მაგრამ იქაც დამარცხდა ასევე დაღესტანელ რამიზ გამზათოვთან და ისევ იმავე ანგარიშით, 0:11.

გიორგი რევაზიშვილმა (61) პირველივე პაექრობა დათმო ძლიერ დაღესტანელ არტემ გებეკოვთან: 4:9. ედემი ბოლქვაძეც (65) პირველივე წრიდან გამოეთიშა შეჯიბრებას, რადგან დაღესტანელ ბისულთან არსლანოვთან 4:7 წააგო. მაგომედ საიდოვიც (70) პირველივე წრიდან გამოვარდა - 6:9 ირანელ იუსეფ მოჰამადისთან.

აქ კონსტანტინე ხაბალაშვილიც პირველივეში დამარცხდა ოს ჩერმან ვალიევთან - 3:13. ჩვენებიდან ამ წონაში პირველი წრე მხოლოდ ლევან ქელეხსაშვილმა გადალახა, ვინც 6:5 უგებდა დაღესტანელ შამილ ომაროვს, თუმცა ბეჭებზე დააწვინა და ვადამდე მოიგო. სამაგიეროდ, მერე დაღესტნელთა მომავალ ფინალისტ მაგომედ ყურბანალიევთან 05 დათმო და სანუგეშოში გადავიდა, სადაც ყაბარდოელ რუსლან ბოგატირევთან დამარცხდა: 0:6.

პირველივე პაექრობა წააგო გიორგი სულავამ ზემოხსენებულ კადიმაგომედოვთან - 8:16, ვისაც მერე კენჭაძემ აჯობა ნახევარფინალში და ისე გამოვიდა, რომ მან თანაგუნდელსაც გადაუღობა დამამშვიდებლის გზა.

79 კილოგრამში საკვალიფიკაციო ეტაპი ორივე ჩვენებურმა მოიგო: ევროპისა და მსოფლიოს პრიზიორმა დავით ხუციშვილმა 7:3 მოუგო ირანელ ომიდ ხასანტაბარს, ხოლო თორნიკე კვინიკაძემ 8:2 დაამარცხა სანკტ პეტერბურგის წარმომადგენელი, აფხაზი ასტამურ გუნბა. მერვედფინალში ხუციშვილმა 10:5 აჯობა ყაბარდოელ აზრეტ ულიმბაშევს, კვინიკაძე კი დაღესტნელ მაგომედ რამაზანოვთან 2:8 დამარცხდა, ვისთანაც მესამე წრეში უკვე ხუციშვილმაც წააგო 0:3. რამაზანოვს ნახევარფინალში რომ ემარჯვა, ორივე ჩვენებური გადავიდოდა დამამშვიდებელში.

ევროპისა და მსოფლიოს პრიზიორი სანდრო ამინაშვილიც (86) პირველივე წრიდან გამოვარდა ყაბარდოელ არტემ უმაროვთან 1:5 მარცხით და ელიზბარ ოდიკაძეც (97), თუმცა ამან 1:1-ზე, ბოლო ქულის გამო დათმო დაღესტნელ ზეინულა ყურბანოვთან.

ყოველდღიური სპორტული გაზეთი "ლელო"
1298
მკითხველის კომენტარები / 0 /
მსგავსი ამბები
რუბრიკის სხვა სიახლეები
;