ალან შირერი: მაურიციო სარი დასაცინი გახდა და ეს მას თანამდებობის დაკარგვად დაუჯდება

ინგლისური ფეხბურთის ლეგენდა ალან შირერი ვარაუდობს, რომ "მანჩესტერ სიტისთან" ლიგის თასის ფინალში მომხდარი ფაქტი, დიდი ალბათობით, მაურიციო სარის პოსტის დაკარგვად დაუჯდება.

შეგახსენებთ, რომ "ჩელსის" მეკარე კეპა არისაბალაგამ უარი თქვა მოედნიდან გასვლაზე დამატებითი დროის მიწურულს, როცა სარიმ მას ვილი კაბალიეროთი უპირებდა შეცვლას:

"სხვათა შორის, მე მომეწონა სარის იდეა, პენალტების სერიის მოლოდინში აქცენტი კაბალიეროზე გაეკეთებინა, რადგან ის "მანჩესტერ სიტის" ყოფილი მეკარეა, ამ გუნდის ფეხბურთელებს კარგად იცნობს და შესაძლებელი იყო, ამას "ჩელსისთვის" გარკვეული უპირატესობა მოეტანა...

მაშინაც კი, როცა კეპამ უარი თქვა მოედნიდან გასვლაზე, სარის ყველანაირი უფლება ჰქონდა, თავად შესულიყო მოედანზე და გამოეყვანა მეკარე. აქ ელემენტარულ პატივისცემაზეა ლაპარაკი, მეკარემ კი მწვრთნელი მილიონობით ადამიანის თვალში დაამცირა და დასაცინი გახადა, თანაც, ეს იმ დროს, როცა სარი ისედაც სერიოზული წნეხის ქვეშაა და პოსტიდან გათავისუფლების საშიშროება უდგას...

ეს შოკისმომგვრელი სანახაობაც ერთი-ერთი კატალიზატორია და, შეიძლება, იტალიელს თანამდებობის დაკარგვად დაუჯდეს. შეიძლება კი არა, სარის მალე მოუწევს "ჩელსისთან" განშორება", - წერს შირერი The Sun-ის სვეტში. 

ყოველდღიური სპორტული გაზეთი "ლელო"
809
მკითხველის კომენტარები / 0 /
მსგავსი ამბები
რუბრიკის სხვა სიახლეები
;