ალეგრიმ რონალდოს სკამისკენ მიუთითა. მე და კრიშტიანო ფეხბურთს ერთად ვუყურებთო...

26 დეკემბერს იტალიაში ეგრეთ წოდებული "ბოქსინგ დეია", რაც სერია A-ში პირველი შემთხვევაა 1974 წლის შემდეგ. ტურში რამდენიმე საინტერესო დაპირისპირებაა, მათ შორის, "ინტერი"-"ნაპოლი". რა თქმა უნდა, ინტრიგაა მატჩი ლიდერის მონაწილეობით - "იუვენტუსი" სტუმრობს "ატალანტას", რომელიც "დაჭრილია" წინა ტურში "ჯენოასთან" მარცხისა (1:3) და ორი ფეხბურთელის გაძევების გამო.

"ჩვენ დაგვიპირისპირდება ფიზიკურად ძლიერი და აგრესიული, შემტევი გუნდი, - ამბობს "იუვენტუსის" მწვრთნელი მასიმო ალეგრი, - ბერგამოში თამაში ყოველთვის რთულია, მით უმეტეს ახლა, როცა "ატალანტა" წინა ტურში დამარცხდა და სურს, შობის დღესასწაული გაილამაზოს".

ალეგრის თქმით, ძირითადი შემადგენლობაში არ იქნება კრიშტიანო რონალდო. გადაწყვეტილება უცნაურია იმ ფონზე, როცა "იუვეს" თავკაცი ასე ახასიათებს მეტოქეს და თან ამბობს, რომ აუცილებელია გამარჯვება.

"ჩვენ ერთად ვუყურებთ ამ თამაშს სათადარიგოთა სკამიდან. მოკლე პერიოდში გვიწევს თამაშების ჩატარება და აუცილებელია ძალების ჭკვიანურად გადანაწილება. ეს აუცილებელია რონალდოსთვისაც, რათა ისიც და ყველა ჩვენი ფეხბურთელი ფორმის პიკზე იყოს მარტისთვის, როცა ჩემპიონთა ლიგაში გადამწყვეტი მატჩები გვექნება ჩასატარებელი", - ასე ხსნის ალეგრი გადაწყვეტილებას.

991
მკითხველის კომენტარები / 0 /
მსგავსი ამბები
რუბრიკის სხვა სიახლეები
;