ალექსანდრე იაშვილი გიორგი ჩაკვეტაძეზე: ეს საკითხი უკვე სამი თვეა, არ გვარდება...

მოგეხსენებათ, გიორგი ჩაკვეტაძე საქართველოს ნაკრებში გამოძახებული არ არის, მაგრამ პარალელურად ვრცელდებოდა ინფორმაციით, თითქოს მას უნდა ეთამაშა ბელგიის რეგულარული ჩემპიონატის ბოლო ტურში "სენტ ტრუიდენის" წინააღმდეგ. ცხადია, ეს გულშემატკივართა (და არა მარტო) შორის გარკვეულ კითხვებს ბადებდა. საბოლოოდ, ჩაკვეტაძე არ შეიყვანეს ხსნებული მატჩის განაცხადში.

რა ხდება რეალურად საქართველოს ნაკრების ახალ ლიდერთან დაკავშირებით? ამ საკითხზე ტელეკომპანია "იმედის" ეთერში საქართველოს ფეხბურთის ფედერაციის ვიცე-პრეზიდენტმა ალექსანდრე იაშვილმა ილაპარაკა:

"სამწუხაროდ, პრობლემა გვაქვს "გენტთან" კომუნიკაციის მხრივ. როცა ფეხბურთელს ტრავმა აქვს, კლუბმა ფეხბურთის ფედერაციაში სამედიცინო დასკვნა უნდა გამოაგზავნოს. მაგალითად, ასე მოხდა ლაშა დვალის შემთხვევაში - "ფერენცვაროშმა" მისი ტრავმის შესახებ გვაცნობა, "გენტს" კი ხშირად სჭირდება შეხსენება, რომ დასკვნა გამოაგზავნოს. ვილაპარაკეთ კიდეც იმაზე, რომ ვითარება გამოსწორებულიყო, მაგრამ ამას შედეგი არ მოჰყვა. გიორგი ჩაკვეტაძეს ტრავმა აქვს, ვერც კლუბს ეხმარება და ვერც - ნაკრებს. უნდა ჩამოყალიბდნენ, საჭიროა თუ არა ოპერაცია. ეს საკითხი უკვე სამი თვეა, არ გვარდება".

ყოველდღიური სპორტული გაზეთი "ლელო"
2128
მკითხველის კომენტარები / 1 /
კ ო მ ბ ლ ე
0
რა ტრამვა??? ტრამვა არა იხვი. ინახავენ და უფრთხილდებიან, ეს ბიჭი მათთვის სულ მცირე ათი მილიონია, თუ მეტი არა და თქვენ ათ მილიონს მისცემთ უფლებას, ვისაც როგორ მოესურვება ფეხი წამოარტყას??? ათას ლარსაც კი, მუთაქიდან თავს არ ამოაყოფინებდით, თავს!!!
მსგავსი ამბები
რუბრიკის სხვა სიახლეები
;