ალექსანდრე იაშვილი: ჯერ ბელარუსთან მატჩია მთავარი და პირველ რიგში ამაზე უნდა ვიყოთ კონცენტრირებულები

ვლადიმირ ვაისი, ალექსანდრე იაშვილი, დავით მუჯირი


ნიონში, უეფას ოფისში გამართულ ერთა ლიგის ფინალის წლისყრაზე კომენტარი საქართველოს ფეხბურთის ფედერაციის ვიცე-პრეზიდენტმა ალექსანდრე იაშილმა გააკეთა. ის შვეიცარიაში სფფ-ის ხელმძღვანელებთან, პრეზიდენტ ლევან კობიაშვილ და გენერალურ მდივან დავით მუჯირთან ერთად იმყოფებოდა.

"ყველა ქვეყანას სურს, ფინალი საკუთარ სტადიონზე, საკუთარი გულშემატკივრის წინაშე ითამაშოს, აქედან გამომდინარე, ძალიან ვნერვიულობდით. რა თქმა უნდა, ყველას კარგად გვაქვს გაცნობიერებული ის უდიდესი პასუხისმგებლობა, რაც გვაკისრია და ვხვდებით, თუ რას ნიშნავს ჩვენი ქვეყნისთვის ევრო 2020-ზე თამაში. ეს თითოეული ქართველის ოცნება და მიზანია.

პირველ რიგში მნიშვნელოვანია, რომ 26 მარტს ბელარუსის წინააღმდეგ გასამართ მატჩზე ვკონცენტრირდეთ და იქ წარმატების შემთხვევაში უკვე შეგვეძლება ფინალზე ვიფიქროთ. აქედან გამომდინარე, ვკონცენტრირდებით ნახევარფინალზე და დიდი იმედით ველოდებით ამ მატჩს", - ამბობს იაშვილი.

723
მკითხველის კომენტარები / 0 /
მსგავსი ამბები
რუბრიკის სხვა სიახლეები
;