ალექსანდრე ჩივაძისა და რამაზ შენგელიას გმირობა მუნდიალი 1982-ზე [VIDEO]

ოთხმოციანი წლების დასაწყისში საბჭოთა ფეხბურთში აღმავლობის ხანა იდგა. სწორედ ამ პერიოდს უკავშირდება ქართული საკლუბო ფეხბურთის ფლაგმანის, თბილისის "დინამოს" აღმავლობა. რაღა შეხსენება გჭირდებათ, მაგრამ მაინც: 1981 წლის 13 მაისს ნოდარ ახალკაცის გაწვრთნილმა გუნდმა თასების მფლობელთა თასი მოიგო და ამით სამუდამოდ შევიდა მსოფლიო ფეხბურთის ისტორიაში.

სსრკ
2
შოტლანდია
2
22 ივნისისი. მალაგა. ლა როსალედა.
45000 მაყურებელი.
გოლები: 0:1 ჯორდანი (15), 1:1 ჩივაძე (59), 2:1 შენგელია (84), 2:2 სუნესი (86
საბჭოთა კავშირი: დასაევი, სულაქველიძე, ჩივაძე,ბალტაჩა, დემიანენკო, შენგელია (ანდრეევი, 88), ბესონოვი,გავრილოვი, ბლოხინი, ბალი, ბოროვსკი
მთავარი მწვრთნელი: კონსტანტინ ბესკოვი
შოტლანდია: როუ, გრეი, სუნესი, ჰანსენი, მილერი, სტრაჩანი (მაკგრეინი, 71), ვარკი, რობერტსონი, ნირი, ჯორდანი (ბრაზილი, 71), არჩიბალდი
მთავარი მწვრთნელი: სტეინ ჯოკი
გაფრთხილება: სუნესი (5)
არბიტრი: რაინეა ნიკოლაე (რუმინეთი)

 1982 წლის მუნდიალზე საბჭოთა კავშირის ნაკრებს ერთბაშად სამი მწვრთნელი ხელმძღვანელობდა. მართალია, "პირველი ხმა" კონსტანტინ ბესკოვისა იყო, მაგრამ ასევე დიდი პასუხისმგებლობა ეკისრებოდათ ვალერი ლობანოვსკისა და ნოდარ ახალკაცს.

ცხადია, საბჭოთა დროს ქართველების მოხვედრა ქვეყნის მთავარ გუნდში ლამის გმირობის ტოლფასი იყო, მაგრამ მაშინდელ "დინამოში" ისეთი ოსტატები იყვნენ და გუნდი ისეთ ფეხბურთს აჩვენებდა, რომ ქართველების იგნორირება აღარც "ზემოდან" გამოვიდა. ყოველივე ამას დაემატა ის, რომ საბჭოთა კავშირის ნაკრების მთავარი მწვრთნელი, კონსტანტინ ბესკოვი შემტევი, სანახაობრივი ფეხბურთის მიმდევარი გახლდათ და ის არც შოვინიზმის იდეებით შეპყრობილ მის ზოგიერთ კოლეგას ჰგავდა.

3 ოქტომბერს \'დინამომ\' \'ლივერპული\' დაამარცხა: ოთარ გაბელიას ემოცია 39 წლის შემდეგ [VIDEO]

მაშ ასე, 1982 წლის მუნდიალზე საბჭოთა კავშირის ნაკრებში თბილისის "დინამოს" ოთხმა ფეხბურთელმა ითამაშა - ალექსანდრე ჩივაძემ, თენგიზ სულაქველიძემ, ვიტალი დარასელიამ და რამაზ შენგელიამ. თანაც, ჩივაძე მურთაზ ხურცილავას შემდეგ გახდა მეორე ქართველი ფეხბურთელი, ვინც საბჭოთა კავშირის პირველ გუნდს უკაპიტნა.

ესპანეთში უნდა ეთამაშა დავით ყიფიანს, "ფეხბურთის მაესტროსა და პროფესორს", მაგრამ წინა წლის სექტემბერში მან ფეხი მოიტეხა. ვინ იცის, რა მოხდებოდა, ქართველი გენიოსი ესპანურ მინდვრებზე რომ გვეხილა.

საბჭოთა კავშირის ნაკრები ჯგუფში მოხვდა ბრაზილიის, შოტლანდიისა და ახალი ზელანდიის გუნდებთან ერთად. საბჭოელებს შესანიშნავი შემადგენლობა ჰყავდათ და მაღალ მიზნებსაც ისახავდნენ.

პირველი შეხვედრა საბჭოების ნაკრებმა ბრაზილიასთან ჩაატარა. სამხრეთამერიკელებს ჰყავდათ ნაკრები, რომელსაც მაშინდელ მსოფლიოში რომანტიკული ფეხბურთის რაინდებს ეძახდნენ. ამ გუნდის შემადგენლობაში ბრწყინავდნენ ისეთი ვარსკვლავები, როგორებიც იყვნენ ზიკო, სოკრატესი და სხვები.

თამაში საბჭოელთათვის დიდებულად დაიწყო. ანდრეი ბალის შორეულ დარტყმას ბრაზილიელთა მეკარე, უსუსტესად მოთამაშე ვალდირ პერესი ვერ გაუმკლავდა. საბოლოოდ სამხრეთამერიკელებმა მაინც მოიგეს გოლები მათ რიგებში სოკრატესმა და ედერმა შეაგდეს.

იური გავრილოვის, ოლრგ ბლოხინისა და სერგეი ბალტაჩას მიერ გატანილი გოლებით საბჭოთა კავშირის ნაკრებმა უპრობლემოდ მოუგო ახალ ზელანდიას. მოახლოვდა გადამწყვეტი შეხვედრა შოტლანდიასთან, რომელშიც საბჭოელებს ფრეც აწყობდათ ძლიერ შოტლანდიასთან საიმისოდ, რომ შემდეგ ეტაპზე ასპარეზობის უფლება დაებევებინათ. შოტლანდიელებს კი, შემადგენლობაში არაერთი ვარსკვლავი რომ ჰყავდათ, ხელს მხოლოდ გამარჯვება აძლევდათ.

თენგიზ სულაქველიძე იხსენებს როგორ დაამარცხა არგენტინა მარადონითურთ [VIDEO]

ბესკოვმა ქართველთაგან ამ შეხვედრაში საასტარტო შემადგენლობაში ალექსანდრე ჩივაძე, თენგიზ სულაქველიძე და რამაზ შენგელია დააყენა. დასაწყისი კი ისეთი იყო, რომ ამაზე უარესს ნამდვილად ვერ წარმოვიდგენდით. ალექსანდრე ჩივაძეს შეცდომის შემდეგ სქოთთა ერთ-ერთი ლიდერი ჯო ჯორდანი პირისპირ შეეყარა რინატ დასაევს და ანგარიში გახსნა. ეს შეხვედრის 15 - ე წუთზე მოხდა.

მეორე ტაიმში კი, როგორც ჭეშმარიტ კაპიტანს შეჰფერის, საშა ჩივაძემ იური გავრილოვის მიერ წამოწყებული შეტევა გოლით დააგვირგვინა. აღსანიშნავია, რომ ჩივაძე დაშვებული შეცდომის შემდეგ ბედს სულ შეტევაში ეძებდა და მონდომებით ცდილობდა შეცდომის გამოსწორებას.

თამაშის დასრულებას 6 წუთი აკლდა, როცა შოტლანდიელი მცველების შეცდომით კარგად ისარგებლა რამაზ შენგელიამ, ბურთი მოიგდო და საბჭოთა კავშირის ნაკრები დააწინაურა. მართალია, სუნესმა ანგარიშის გათანაბრება შეძლო, მაგრამ ეს იყო ფრე, რომელიც საბჭოთა ფეხბურთელებისათვის გამარჯვების ტოლფასი გახლდათ.

ამას მოჰყვა ბელგიასთან მინიმალური ანგარიშით მოგება ხორენ ოჰანესიანის გოლით. ამის მერე იყო საბედისწერო შეხვედრა პოლონეთთან. ამ მატჩში საბჭოთა ნაკრებს მხოლოდ და მხოლოდ მოგება აძლევდა ხელს. ეს იმიტომ, რომ პოლონეთმა ბელგიას 3 უპასუხო გოლი შეუგდო.

1982 წელს პოლონეთმა ლეხ ვალენსას მეთაურობით გაიღვიძა. ბარსელონური პუბლიკა, სადაც ეს შეხვედრა გაიმართა, ვალენსას ორგანიზაციის, "სოლიდარობის" სახელს სკანდირებდა. როგორც ჩანს, იყო მითითება ზემოდან, რომ ამ შეხვედრაში მარცხი არავითარ შემთხვევაში არ შეიძლებოდა.

თამაში ფრედ, 0:0 მორჩა. საბჭოთა კავშირის ნაკრებისათვის ასე დასრულდა ესპანური მუნდიალი. შოტლანდიასთან მატჩი კი სამუდამოდ ჩაიწერა ქართული ფეხბურთის ისტორიაში.

6083
მკითხველის კომენტარები / 7 /
თემო
0
დათო ტრავმირებული(ანხელი გახსოვთ). ვოვას წაყვანა შეიძლებოდა, თუმცამასაც ჰქონდა ტრავმა. თუმცა ჩვენი (სწორედ ჩვენი) ერთ-ერთი საუკეთესო იყო.მომზადებაში დაუშვეს შეცდომა მწვრთნელებმა. ჩემი აზრია ლობანოვსკი მარტო უკეთ მოამზადებდა(მაგ. 1988წელი)
ედიშერი
0
"ლელოს" მაინც საბჭოური მენტალიტეტი აქვს შემორჩენილი, როგორ ცდილობს შეარბილოს ქართველების მიმართ რუსების დამოკიდებულება, ყიფიანის წაუყვანლობის მიზეზი ტრამვა ყოფილა თურმე,ცალი ფეხიც რო არ ქონოდა გავრილოვზე მეტს მაინც გააკეთებდა მოედანზე )))
მსგავსი ამბები
რუბრიკის სხვა სიახლეები
;