ალექს ოქსლეიდ-ჩემბერლენი: ლივერპულს კოუტინიოს წასვლა არ შეეტყობა

"ლივერპულის" ახალწვეულმა, ალექს ოქსლეიდ-ჩემბერლენმა ფილიპე კოუტინიოს "ბარსელონაში" გადასვლის შესახებ ისაუბრა.

"ამ სეზონში კოუტინიოს გარეშეც ჩავატარეთ მშვენიერი თამაშები, გვყავს ბრწყინვალე ფეხბურთელები, რომლებსაც გოლების გატანა შეუძლიათ. ბიჭების იმედი მაქვს და მჯერა, რომ ამ საქმის კეთებას გავაგრძელებთ.

არ მიფიქრია კოუტინიოს წასვლის შესახებ, როდესაც  დიდი ფეხბურთელი დიდ კლუბს ტოვებს, დიდი კლუბი ახალ დიდ ფეხბურთელს მოძებნის.

"ფილის" წასვლა თავის უკეთ წარმოჩენის შანსია ჩემთვის და "ლივერპულის" ნებისმიერი ფეხბურთელისთვის,"- განაცხადა "ოქსმა".

ჩემბერლენი "ლივერპულში" "არსენალიდან" გადავიდა. ინგლისური მედიის ცნობით, "არსენალი" და "ჩელსი" ახალგაზრდა ფეხბურთელს გაცილებით მაღალ ანაზღაურებას სთავაზობდნენ, თუმცა ჩემბერლენმა ბავშვობის საყვარელი კლუბი აირჩია.

1375
მკითხველის კომენტარები / 0 /
მსგავსი ამბები
რუბრიკის სხვა სიახლეები