ამერიკელების მწვრთნელი დეივ ჰიუიტი: ჩემი ბიჭებით ამაყი ვარ

ამერიკის შეერთებული შტატების მორაგბეთა ნაკრების მთავარმა მწვრთნელმა დეივ ჰიუიტმა საქართველოსთან მატჩის შემდეგ საკუთარი მორაგბეები შეაქო.

25 ნოემბერს, საქართველოს მორაგბეთა ეროვნულმა ნაკრებმა წლის ბოლო, ნოემბრის ტესტ-სერიის მესამე შეხვედრა აშშ-ის ნაკრებთან გამართა და უაღრესად დაძაბულ ბრძოლაში, ანგარიშით 21:20 გაიმარჯვა.

- ბორჯღალოსნებმა 2017 წელი აშშ-ის ნაკრების ძლევით დაასრულეს

"ამაყი ვარ ჩემი მოთამაშეებით. მათ ბოლომდე იბრძოლეს, წინასწარ შემუშავებული გეგმა შევასრულეთ. საქართველოს ნაკრებს დავუპირისპირეთ ის, რაც მისივე ძლიერი მხარეა: დიდი ყურადღება გავამახვილეთ მოლზე, აუტზე, შერკინებაზე. კარგადაც გამოგვივიდა. ამის დასტურად ისიც გამოდგება, რომ ორი ლელო მოლით გავიტანეთ."

ამერიკელთა კაპიტანმა ბლეინ სკალიმ საკუთარი გუნდის პროგრესზე გაამახვილა ყურადღება:

"ისევე როგორც საქართველო, ჩვენც პროგრესის გზაზე ვართ. მაღალი ხარისხის თამაში იყო, თუმცა არის ხარვეზები, სამუშაო კიდევ ბევრი გავქვს. კმაყოფილები როგორ არ უნდა ვიყოთ, როცა ჩვენზე ძლიერ გუნდთან კარგად ვითამაშეთ და გამარჯვებასთანაც ახლოს ვიყავით".

2324
მკითხველის კომენტარები / 0 /
მსგავსი ამბები
რუბრიკის სხვა სიახლეები
;