ამხანაგური მატჩები: ინგლისი და გერმანია დაზავდნენ, ნეიმარს პენალტი აუღეს [VIDEO]

10 ნოემბერს, საერთაშორისო ამხანაგური შეხვედრები გაიმართა. საქართველო-კვიპროსის მატჩის პარალელურად, სპარინგები ჩაატარეს სხვა ნაკრებებმაც.

ლონდონში, "უემბლიზე" ინგლისის ნაკრებმა მსოფლიოს მოქმედ ჩემპიონ გერმანიას უმასპინძლა და უგოლოდ დაშორდა - 0:0. არადა, გატანის კარგი შანსი ორივე გუნდს ჰქონდა, განსაკუთრებით კი პირველ ტაიმში. სტუმართა რიგებში მომენტით ვერ ისარგებლეს ლეროი ზანემ, ტიმო ვერნერმა და იულიან დრაკსლერმა. ინგლისელთაგან გატანა კირან ტრიპიერისა და ჯეიმი ვარდის მართებდათ.

საფრანგეთში გამართულ ამხანაგურ მატჩში ბრაზილიის ნაკრებმა იაპონიას ანგარიშით 3:1 სძლია. სამხრეთამერიკელთა შორის გოლებით ნეიმარი (პენ, მე-10 წუთი), მარსელო (17) და გაბრიელ ჟეზუსი (36) გამოირჩნენ. აღსანიშნავია, რომ პსჟ-ის ლიდერს დუბლის შესრულებაც შეეძლო, მაგრამ კიდევ ერთი 11-მეტრიანი მეკარემ აუღო. იაპონელთაგან პრესტიჟის გოლის გატანა ტომოაკი მაკინომ მოახერხა (63).

საფრანგეთის ნაკრებმა სენ დენიში ორი უპასუხო გოლით გარეთ ბეილის გარეშე მოთამაშე უელსს სძლია - 2:0. მე-18 წუთზე ანგარიში ანტუან გრიზმანმა გახსნა, 71-ეზე კი ოლივიე ჟირუმ გაიტანა.

რაც შეეხება სხვა საინტერესო შეხვედრებს, ბელგიის ეროვნული გუნდი ბრიუსელში მექსიკასთან უხვგოლიან მატჩში ფრეს დასჯერდა - 3:3. მასპინძელთა შორის გოლებით ედენ აზარი (17) და რომელუ ლუკაკუ (55, 70) გამოირჩნენ, სტუმართა შორის კი - ანდრეს გუარდადო (პენ. 38) და ირვინ ლოსანო (56, 60).

პორტუგალიის ნაკრებმა კრიშტიანო რონალდოს დაუხმარებლად შინ საუდის არაბეთი დაამარცხდა - 3:0.

1183
მკითხველის კომენტარები / 0 /
მსგავსი ამბები
რუბრიკის სხვა სიახლეები
;