[ამხანაგური მატჩი] არატრადიციული გერმანია, ანუ ღია კარის დღე არგენტინისთვის

გერმანია-არგენტინა  2:2
გოლები: 1:0 გნაბრი (15), 2:0 ჰავერტცი (22), 2:1 ალარიო (66), 2:2 ოკამპოსი (85)
გერმანია: ტერ-შტეგენი, ჰალსტენბერგი, ზიულე, კიმიხი, კლოსტერმანი, კოხი, ემრე ჯანი, გნაბრი (72. სერდარი), ჰავერტცი (83. რუდი), ბრანდტი (66. ამირი), ვალდშმიდტი
არგენტინა: მარკეზინი, ოტამენდი, როხო (46. აკუნია), ტალიაფიკო, ფოიტი, რობერტო პერეირა (76. სარავია), პარედესი, დე პაული (90. როდრიგესი), დიბალა (62. ალარიო), კორეა (46. ოკამპოსი), ლაუტარო მარტინესი.


ტრადიცია არც ამჯერად დაირღვა. გაერთიანებულმა გერმანიამ კვლავ ვერ მოუგო არგენტინას ამხანაგური მატჩი. არადა, ამასთან ძალიან ახლოს იყო, რაკი პირველ ტაიმში აშკარად დაჩაგრა მეტოქე და 2 უპასუხო გოლიც შეუგდო...

გოლი და საგოლე პასი მიითვალა სერჟ გნაბრიმ, ვინც "ბაიერნში" "დაფრინავს" და აგერ, ნაკრებშიც შესანიშნავი იყო. სწორედ მან გაატანინა კაი ჰავერტცს პირველი სანაკრებო გოლი.  მეორე ტაიმში იოახიმ ლიოვის მიერ გაკეთებელმა შეცვლებმა  "ბუნდესმანშაფტი" მთლიანად მოშალა.

ამის საპირისპიროდ, მაგრად ითამაშეს არგენტინელთა სათადარიგოებმა, განსაკუთრებით - "ლევერკუზენის" შემტევმა ლუკას ალარიომ, ვინც პასიური პაულო დიბალა შეცვალა და ჯერ თავად შეაგდო, მერე კი სევილიელ ლუკას ოკამპოსს გაუწია ასისტენტობა.

საბოლოოდ - 2:2. ისე კი, გერმანელთა საშინელი დაცვის ხაზის გადამკიდე, არგენტინას თავისუფლად შეეძლო, მოეგო კიდეც...

1009
მკითხველის კომენტარები / 0 /
მსგავსი ამბები
რუბრიკის სხვა სიახლეები
;