"ქარ­თუ­ლი ფეხ­ბუ­რთი ცოცხა­ლია და კარ­გი მო­მა­ვა­ლიც ეზ­რ­დე­ბა"

"სა­ბურ­თა­ლო" პირ­ვე­ლი ქარ­თ­უ­­ლი გუნ­დია, რო­მელ­მაც უეფას ახა­ლ­გაზ­რ­დულ ლი­გა­ზე საწყი­სი ეტა­პი გა­და­ლა­ხა და მომ­დევ­ნო სტა­დი­ა­ზე თა­მა­შის უფ­ლე­ბა მო­ი­პო­ვა.

თურ­ქუ­ლი "ბურ­სას­ფორ­თან" თბი­ლი­სურ შეხ­ვედ­რა­ში თა­ვი იური ტა­ბა­ტა­ძემ გა­მო­ი­ჩი­ნა. მან პირ­ვე­ლი მატ­ჩის გო­ლის ავ­ტო­რი ცოტ­ნე კა­პა­ნა­ძე შეც­ვა­ლა და მო­ე­დან­ზე გა­მო­ჩე­ნის­თა­ნა­ვე, მარ­ჯ­ვე­ნა ფლან­გ­ზე მე­ტო­ქის პრობ­ლე­მად იქ­ცა.

- U19. საბურთალო-ბურსასფორი 1:1 - ბოლო წუთებზე გამოგლეჯილი [VIDEO]

საპასუხო თამაშის შემდეგ "საბურთალოს" 19-წლამდელთა გუნდის ფეხბურთელებმა თამაში შეაფასეს:

იური ტა­ბა­ტა­ძე:

- მი­ხა­რია, რომ ამ ბა­რი­ე­რის გა­და­ლახ­ვა შევ­ძე­ლით. ასეთ მატ­ჩ­ში თა­ვის გა­მო­ჩე­ნა და გუნ­დის დახ­მა­რე­ბა რომ შევ­ძე­ლი, ეს ჩემ­თ­ვის უფ­რო მე­ტად სა­სი­ხა­რუ­ლოა. "ბურ­სა" ძლი­ე­რი გუნ­დია და მი­სი გა­გე­ბა ჩვენ­თ­ვის უდი­დე­სი წარ­მა­ტე­ბაა. ვეც­დე­ბით, მო­მა­ვალ­ში გულ­შე­მატ­კი­ვა­რი მე­ტად გა­ვა­ხა­როთ.

ან­დ­რია ფურ­ცე­ლა­ძე:

- ბედ­ნი­ე­რე­ბაა, რომ ამ გუნ­დის წევ­რი ვარ. ვეც­დე­ბით, შემ­დეგ წრე­ში სერ­ბულ კლუბ­თა­ნაც და­ვამ­ტ­კი­ცოთ, რომ ქარ­თუ­ლი ფეხ­ბურ­თი ცოცხა­ლია და მას კარ­გი მო­მა­ვა­ლი ეზ­რ­დე­ბა.

- პირ­ველ ტა­იმ­ში რა და­გე­მარ­თათ?
- მე ამას კონ­ცენ­ტ­რა­ცი­ის ნაკ­ლე­ბო­ბას და­ვაბ­რა­ლებ. ჯერ სწრა­ფი გო­ლი გა­ვუშ­ვით და მე­რე პე­ნალ­ტი დაგ­ვი­დეს. მაგ­რამ ამ სირ­თუ­ლე­ე­ბის გა­და­ლახ­ვა მო­ვა­ხერ­ხეთ, თა­მა­ში გა­ვა­ცოცხ­ლეთ, შე­ტე­ვა­ში გა­და­ვე­დით და გო­ლიც გა­ვი­ტა­ნეთ. მიზ­ნის მი­საღ­წე­ვად ყვე­ლა­ფე­რი გა­ვა­კე­თეთ. მე­ო­რე ტა­იმ­ში მწვრთნე­ლის და­ვა­ლე­ბე­ბი ზუს­ტად შე­ვას­რუ­ლეთ.

- კონ­რე­ტუ­ლად, რა და­ვა­ლე­ბე­ბი მი­ი­ღეთ?
- მთა­ვა­რი ის იყო, რომ ბურ­თ­ზე კონ­ტ­რო­ლი მოგ­ვე­პო­ვე­ბი­ნა, სწრა­ფად გა­დავ­სუ­ლი­ყა­ვით შე­ტე­ვა­ზე და თა­ვი­სუ­ფა­ლი ზო­ნე­ბი არ დაგ­ვე­ტო­ვე­ბი­ნა. გო­ლიც და­ვა­ლე­ბის მი­ხედ­ვით შე­ვას­რუ­ლეთ - ფლან­გუ­რი შე­ტე­ვის დროს სა­ჯა­რი­მო­ში რაც შე­იძ­ლე­ბა ბევ­რი ფეხ­ბურ­თე­ლი უნ­და შე­ვ­სუ­ლი­ყა­ვით...

გი­ორ­გი გუ­ლი­აშ­ვი­ლი:

- პირ­ველ ტა­იმ­ში და­მა­ჯე­რებ­ლად ვერ ვი­თა­მა­შეთ, მე­ო­რე ნა­ხე­ვარ­ში კი კარ­გად გა­ვი­აზ­რეთ, რომ სხვა გზა არ იყო, და­ლა­გე­ბუ­ლად უნ­და გვე­თა­მა­შა და ბო­ლომ­დე გვებ­რ­ძო­ლა. შე­დეგ­საც ამის ხარ­ჯ­ზე მი­ვაღ­წი­ეთ.

მო­გე­ბა­ზე მე­ტად ის მა­ხა­რებს, რომ ჩვენ­თან ბევ­რია 16-17 წლის ფეხ­ბურ­თე­ლი. პი­რა­დად მე 16 წლის ვარ და ვა­ჯო­ბეთ გუნდს, სა­დაც ჩვენ­ზე უფ­რო­სი ასა­კის, ჯა­ნი­ა­ნი და ათ­ლე­ტუ­რი ბი­ჭე­ბი იყ­ვ­ნენ. და­ვამ­ტ­კი­ცეთ, რომ ბრძო­ლით და ერ­თო­ბით ყვე­ლაფ­რის მიღ­წე­ვა შე­იძ­ლე­ბა.

ყოველდღიური სპორტული გაზეთი "ლელო"

2852
მკითხველის კომენტარები / 0 /
მსგავსი ამბები
რუბრიკის სხვა სიახლეები