[ანალიზი, ფაქტები, VIDEO] სერია A. რონალდოს 600 და ალეგრის სკანდალური ფრაზები

რომა-კალიარი        3:0
გოლები: 1:0 ფასიო (5), 2:0 პასტორე (8), 3:0 კოლაროვი (86)
რომა (4-2-3-1): მირანტე - ფლორენცი, ფასიო, მანოლასი, კოლაროვი - ლორ. პელეგრინო, ნ'ზონზი - კლუივერტი (87. ჩორიჩი), პასტორე (63. პეროტი), ელ შაარავი (74. ელ შაარავი) - ჯეკო.

ბოლონია-ემპოლი    3:1
გოლები: 0:1 პაიაჩი (17), 1:1 სორიანო (51), 2:1 ორსოლინი (82), 3:1 ნ. სანსონე (90+5)

ინტერი-იუვენტუსი     1:1
გოლები: 1:0 ნაინგოლანი (7), 1:1 რონალდო (62)
ინტერი (4-2-3-1): ჰანდანოვიჩი - დ'ამბროზიო, დე ვრეი, შკრინიარი, ასამოა - ვესინო, ბროზოვიჩი - პოლიტანო (79. ჟოაო მარიო), ნაინგოლანი (74. ბორხა ვალერო), პერიშიჩი - იკარდი (82. მარტინესი).
იუვენტუსი (4-3-3): შჩესნი - კანსელო, ბონუჩი, კიელინი, ალექს სანდრო (49. სპინაცოლა) - ემრე ჯანი, პიანიჩი, მატუიდი (60. კინი) - კუადრადო, ბერნარდესკი (86. მატეუშ პერეირა), რონალდო.

ფროზინონე-ნაპოლი      0:2
გოლები: 0:1 მერტენსი (19), 0:2 იუნესი (49)
ნაპოლი (4-4-2): ოსპინა - მალკუიტი (87. ალბიოლი), კულიბალი, ლუპერტო, გულამი - კალიეხონი, ზელინსკი, რუისი, იუნესი (73. ვერდი) - მილიკი (78. უნასი), მერტენსი.

კიევო-პარმა       1:1
გოლები: 0:1 კუცკა (38), 1:1 მეჯორინი (66)

სპალ-ჯენოა        1:1
გოლები: 1:0 ფელიპე (36), 1:1 ლაპადულა (57)

სამპდორია-ლაციო         1:2
გოლები: 0:1 კაისედო (3), 0:2 კაისედო (19), 1:2 კვალიარელა (57)
ლაციო (3-5-1-1): სტრაკოშა - უოლასი, აჩერბი, ბასტოსი - რომულო (68. მარუშიჩი), პაროლო, ლუკას ლეივა, კატალდი (77. ბადელი), ლულიჩი - კორეა - კაისედო (63. იმობილე).
გაძევება: რამირესი (45. სამპდორია)

ტორინო-მილანი      2:0
გოლები: 1:0 ბელოტი (58-პენ), 2:0 ბერენგერი (69)
მილანი (4-3-3): დონარუმა - კონტი (71. კასტილიეხო), მუსაკიო, რომანიოლი, როდრიგესი - კესი, ბაკაიოკო, პაკეტა (62. პიონტეკი) - სუსო (62. ბორინი), ჩალჰანოღლუ, კუტრონე.

1. იუვენტუსი 34 28 4 2 68:24 88
2. ნაპოლი 34 21 7 6 64:30 70
3. ინტერი 34 18 8 8 52:28 62
4. რომა 34 16 10 8 61:46 58
5. ტორინო 34 14 14 6 44:29 56
6. მილანი 34 15 11 8 47:33 56
7. ატალანტა 33 16 8 9 66:42 56
8. ლაციო 34 16 7 11 49:36 55
9. სამპდორია 34 14 6 14 54:46 48
10. კალიარი 34 10 10 14 32:47 40
11. ფიორენტინა 33 8 16 9 47:41 40
12. სპალ 34 10 9 15 35:48 39
13. სასუოლო 33 8 14 11 47:52 38
14. ბოლონია 34 9 10 15 37:48 37
15. პარმა 34 9 10 15 35:52 37
16. ჯენოა 34 8 11 15 36:53 35
17. უდინეზე 33 8 9 16 31:47 33
18. ემპოლი 34 7 8 19 43:66 29
19. ფროზინონე 34 5 8 21 26:62 23
20. კიევო* 34 2 12 20 25:69 15

* - კიევოს დაკლებული აქვს 3 ქულა
ბომბარდირები: 23 - კვალიარელა (სამპდორია); 21 - პიონტეკი (მილანი), დ. საპატა (ატალანტა); 20 - რონალდო (იუვენტუსი); 17 - მილიკი (ნაპოლი).

ორშაბათი, 29 აპრილი
ატალანტა-უდინეზე        21:00
ფიორენტინა-სასუოლო   23:00

მომდევნო ტური
3 მაისი: იუვენტუსი-ტორინო
4 მაისი: კიევო-სპალ, უდინეზე-ინტერი
5 მაისი: ემპოლი-ფიორენტინა, ლაციო-ატალანტა, პარმა-სამპდორია, სასუოლო-ფროზინონე, ჯენოა-რომა, ნაპოლი-კალიარი
6 მაისი: მილანი-ბოლონია

* * * 

სერია A-ს მორიგი ტურის მთავარი მატჩი მილანში შედგა. "ინტერს" ქულები უფრო სჭირდებოდა, ვიდრე უკვე ჩემპიონ "იუვენტუსს", მაგრამ... თამაში 1:1 მორჩა...

...ჯერ რაჯა ნაინგოლანმა შეაგდო მატეო პოლიტანოს პასით, მერე კი კრიშტიანო რონალდომ დაუფასა გარჯა მირალემ პიანიჩს. აღსანიშნავია, რომ ეს იყო საკლუბო დონეზე რონალდოს მიერ გატანილი მე-600 გოლი, რაც ახალი რეკორდია (შედარებისთვის, ლიონელ მესის ანგარიშზე 598 გოლია). უფრო ვრცლად ამაზე ქვემოთ, მანამდე კი...

"კიდევ 100 წელი სიამოვნებით დავრჩებოდი "ინტერში", მაგრამ ეს კლუბის ხელმძღვანელობის გადასაწყვეტია", - თქვა "ნერაძურის" დამრიგებელმა ლუჩანო სპალეტიმ. მისი ვიზავი კი, "იუვენტუსის" თავკაცი, მასიმილიანო ალეგრი, ძალიან გააბრაზა კრიტიკამ. "მე მოგმართავთ ეგრეთ წოდებულ საფეხბურთო ექსპერტებს - ჩაიგდეთ ხმა, რადგან თქვენ ფეხბურთში არაფერი გაგეგებათ", - განაცხადა ალეგრიმ თამაშის დასრულების შემდეგ.

რომამ" ფედერიკო ფასიოს, ხავიერ პასტორესა და ალექსანდრ კოლაროვის გოლებით საშინაო შეხვედრაში 3:0 მოუგო "კალიარის". როგორც ჩანს, რომაულ გრანდს მომავალ სეზონში ანტონიო კონტე გაწვრთნის. ამის ირიბ დასტურად შეგვიძლია მივიჩნიოთ თამაშის დასრულების შემდეგ გუნდის დღევანდელი დამრიგებლის, კლაუდიო რანიერის სიტყვები:

"ანტონიო კონტე დიდი მწვრთნელია. მოხარული ვინები, თუ მომავალ სეზონში "რომას" სწორედ ის დამოძღვრავს".

ეკვადორელი ფელიპე კაისედოს დუბლით "ლაციომ" გასვლაზე უმნიშვნელოვანესი გამარჯვება მოიპოვა "სამპდორიასთან" საგარეო შეხვედრაში. მასპინძლებს ვერაფერი უშველა ვეტერანი ბომბარდირის ფაბიო კვალიარელას გოლმა.

"ლაციალეს" აქამდე არაერთი გაუთვალისწინებელი ქულა რომ არ გაეფლანგა, უკვე განაღდებული უნდა ჰქონდეს ადგილი ჩემპიონთა ლიგაში. ასე კი, სიმონე ინძაგის გუნდს ამისთვის დიდი ბრძოლა მოუწევს.

დრის მერტენსისა და ამინ იუნესის გოლებით "ნაპოლიმ", რომელიც მომავალ სეზონში ჩემპიონთა ლიგაში ითამაშებს, გასვლაზე მოუგო სერია B-ში დასაქვეითებლად განწირულ "ფროზინონეს".

"მილანმა" კი მორიგი უსახური მატჩი ჩაატარა და 0:2 დამარცხდა "ტორინოსთან". ეს უკანასკნელი მე-5 ადგილზე აღზევდა. ამ სეზონში ვალტერ მაძარის მეტად სიმპათიური გუნდი ასე მაღლა არ ყოფილა.

ფაქტები

* კრიშტიანო რონალდომ საკლუბო დონეზე გატანილი 600 გოლიდან 5 "სპორტინგის" მაისურით შეაგდო, 118 - "მანჩესტერ იუნაიტედის", 450 - "რეალის", ხოლო "იუვენტუსის" სახელით პირველივე სეზონში 27-ჯერ მოახერხა თავის გამოჩენა.
* 600 გოლიდან 102 იყო 11-მეტრიანი, 46 - პირდაპირი საჯარიმო დარტყმა, 87 გოლი უბრალოდ საჯარიმოს გარედან.
* საინტერესო იქნებოდა შედარება მესის ზოგიერთ მაჩვენებლებთან. მაგალითად, რონალდომ ყველაზე მეტი, 27 გოლი გაუტანა "სევილიას", მესიმ - 36. სამაგიეროდ, კრიშტიანო წინ არის ჩემპიონთა ლიგაში - 126, მესის - 110.
* ლა ლიგაში გატანილი გოლებით წინ არის მესი - 416 რონალდოს 311-ის წინააღმდეგ. აქ ერთი ნიუანსია: მესიმ ლა ლიგაში 15 სეზონი ითამაშა, რონალდომ კი - 9.
* ამას გარდა, კრიშტიანომ 600 გოლიდან 392 მარჯვენა (მისთვის მთავარი) ფეხით გაიტანა, თუმცა შთამბეჭდავია მარცხენათი გატანილი გოლების მაჩვენებელიც - 103. ცაცია მესის მარცხენათი გოლების 81.7 პროცენტი აქვს გატანილი (488 597-დან).
* რონალდომ თავით გაიტანა 100 გოლი, მესიმ - 22.

ყოველდღიური სპორტული გაზეთი "ლელო"
935
მკითხველის კომენტარები / 0 /
მსგავსი ამბები
რუბრიკის სხვა სიახლეები
;