[ანალიზი, VIDEO] ეროვნული ლიგა. დილა 1-1 დინამო (ბთ). წაუგებლები ისევ წაუგებლად, ლიდერი ისევ ლიდერად...

საქართველოს XXXII ჩემპიონატი. ეროვნული ლიგა. VII ტური

26 ივლისი, 2020. გორი. თენგიზ ბურჯანაძე. 21:00

დილა 1:1 დინამო (ბთ)

4-2-3-1 4-2-3-1
29 ლუკა გუგეშაშვილი 1 მიხეილ ალავიძე ©
33  რომარიკ ეტოუ 23  კიჭი მელიავა ↓58'
5  დავით ხურცილავა ©  20  მამუკა კობახიძე
18  ბალგუ იენდეუნტი  15' 24  მალხაზ გაგოშიძე 
3  გიორგი ლაცაბიძე 22  გიორგი ნავალოვსკი 
6  ამოს ნონდი 17  ვლადიმერ მამუჩაშვილი 
7  თეიმურაზ მარკოზაშვილი  3  ბენჟამინ ტეიდი ↓28'
14  ალეფ სანტოსი  8  ჯაბა ჯიღაური
9  თორნიკე გორგიაშვილი  57' ↓78' 7  ჯოვინო ფლამარიონი
11  ირაკლი ლექვთაძე  43' ↓58' 13  გიული მანჯგალაძე  16'
 22  მიკოლა კოვტალიუკი 11  ვაგნერ გონსალვეში ↓85'
სათადარიგოები
16 გიორგი ჩოჩიშვილი 2  იჰორ ლევჩენკო 
4  არჩილ კობერიძე 4  მათე ცინცაძე ↑28'
10  ფრანცისკო მადინგა ↑78' 6  თორნიკე გაფრინდაშვილი ↑58'
13  ნუგზარ სპანდერაშვილი ↑58' 9 რეინალდო ↑85'
10  ვალერიან თევდორაძე
19  გიორგი ნიქაბაძე
21  ვლადიმერ დვალიშვილი 
27  გოდფრი ობოაბონა 
33  ლაშა ჩალაძე 
მწვრთნელები
გიორგი ნემსაძე გია გეგუჩაძე

გოლები: 0:1 იენდეუნტი (15-საკ. კარში), 1:1 ლექვთაძე (43. მარკოზაშვილის პასით)

გაფრთხილება: მანჯგალაძე (16), გორგიაშვილი (57)

არბიტრი გ. ვადაჭკორია
ასისტენტები ზ. ფიფია, დ. ახვლედიანი
მეოთხე მსაჯი გ. ყრუაშვილი 


წაუგებელი გუნდების დუელი შედგა გორში და როგორც ტურის ცენტრალურ მატჩს შეეფერება, დაძაბული გამოდგა. მართალია, გორელები მარცხის შემთხვევაშიც არ კარგავდნენ ცხრილში პირველ პოზიციას, მაგრამ, რა თქმა უნდა, ამის გამო მოგებისთვის ბრძოლას მეორეხარისხოვნად არ ჩათვლიდნენ. მაქსიმუმისთვის ირჯებოდა "დინამოც", თუმცა ვერც მან აჯობა მეტოქეს...

ვიდრე თამაშის პერიპეტიებს მოვყვებით, მაყურებლებზეც უნდა ვთქვათ. მართალია ისინი სტადიონზე ჯერ არ დაიშვებ, მაგრამ სტადიონის ირგვლივ იმდენი ქომაგი შეიკრიბა, ძალიან ბევრი მატჩის ტრიბუნებზე რომ არ გვინახავს. ამიტომ, მართლაც დროული იქნება მათთვის სტადიონებზე შესვლის უფლების მიცემა... 

მოულოდნელი დასაწყისი

გორელები მატჩს სერიოზული დანაკლისით შეხვდნენ. დისკვალიფიკაციის გამო, არ იყო გუნდის კაპიტანი დავით მაისაშვილ და ამავე მიზეზით, გუნდის მთავარი მწვრთნელი გიორგი ნემსაძე თამაშს ტრიბუნიდან ადევნებდა თვალს. ტრავმის გამო ვერ თამაშობდნენ ნიკა გაგნიძე, გურამ გიორბელიძე, რევაზ ჩიტეიშვილ და ირაკლი ბიძინაშვილ. დაგვეთანხმებით, ერთი გუნდისთვის ძალიან სერიოზული დანაკლისია.

დასაწყისში მასპინძლები ბურთის კონტროლს ცდილობდნენ, ხოლო შეტევას მოკლე პასებით ავითარებდნენ. ოღონდ, გორელები არცთუ მაღალ ტემპში მოქმედებდნენ. მოწინააღმდეგეს თავის ნახევარზე შეშვების უფლებას, ცხადია, იოლად არც ბათუმელები მისცემდნენ.

მეტიც, თავდაპირველად სწორედ მათ შეძლეს გორელთა საჯარიმოში შეღწევა. თავიდან ამას ხიფათი არ მოჰყოლია, თუმცა, ყველასთვის მოულოდნელად, მე-15 წუთზე სულაც გოლი გავიდა - აჭარელთა იერიშის განმუხტვა დავით ხურცილავამ სცადა, ბურთის საჯარიმოდან გამოტანა უნდოდა, მაგრამ... ბალგუ იენდეუნტს მოარტყა მხარზე, საიდანაც პირდაპირ ლუკა გუგეშაშვილგან მარჯვენა დაბალ კუთხეში შეგორდა.

მონდომების შედეგი

ამას მოჰყვა "დილას" რამდენიმე იერიში და ეპიზოდი, როცა მასპინძლები პენალტს ითხოვდნენ, თუმცა გიორგი ვადაჭკორია ასე არ ფიქრობდა. "დილას" შეტევებს შემართება არ აკლდა, თუმცა გასატანად მხოლოდ ეს არ კმარა. ამასობაში, "დინამო" უფრო მყარად გრძნობდა თავს მეტოქის ნახევარზე და ზედიზედ რამდენიმე კუთხურიც მოაწოდა გუგეშაშვილის კართან... შემდეგ კი, ჯოვინო ფლამარიონის წაქცევისთვის, სახიფათო საჯარიმოს შესრულების უფლებაც მიეცათ. მიუხედავად ამისა, სტუმრებმა "სტანდარტულებიდან" ხეირი ვერ ნახეს.

ტაიმის მიწურულამდე, დაახლოებით 3-წუთიან მონაკვეთში ორივე კართან ვიხილეთ საგოლე ეპიზოდები - ჯერ ფლამარიონის მიერ ახლოდან დარტყმულისას ივარგა გუგეშაშვილმა, შემდეგ კი მარკოზაშვილს ორიოდ მეტრიდან აუღო მიხეილ ალავიძემ. გამოჩნდა იქამდე ჩრდილში მყოფი მიკოლა კოვტალიუკი, რომელმაც თავურით სუსტად დაარტყა დაახლოებით პენალტის ნიშნულიდან.

"დილას" მონდომებამ შედეგი 43-ე წუთზე გამოიღო. თეიმურაზ მარკოზაშვილმა, რომელიც პირველ ტაიმში განსაკუთრებით აქტიური იყო, კარგად ისარგებლა მეტოქე მცველების შეუთანხმებელი მოქმედებით და მეკარესთან პირისპირ გაიყვანა ირაკლი ლექვთაძე, რომელმაც ალავიძეს ადვილად აჯობა - 1:1.

მშრალი ტაიმი დაღლილი შემსრულებლებით

მეორე ტაიმის დასაწყისში კოვტალიუკის მიმართ ცოტა ყურადღება მოადუნეს ზღვისპირელებმა და მასაც მიეცა თავის გამოჩენის საშუალება, თუმცა მე-7 ტურში მე-7 გოლი მაინც ვერაფრით გაიტანა.

58-ე წუთზე "დინამო" ახლოს იყო ანგარიშის გაზრდასთან, როცა ვაგნერ გონსალვეშმა დაახლოებით 20 მეტრიდან შეასრულა საჯარიმო და პირდაპირ "ცხრიანთან" გაარტყა ძელს.

დროის სვლასთან ერთად, ფეხბურთელებს დაღლა დაეტყოთ და ტემპმაც იკლო. ვერც შეცვლაზე შესულმა ფეხბურთელებმა მოახერხეს, რომ თამაში მეტად სანახაობრივი გაეხადათ...

ბოლოსკენ ზღვისპირელებმა უფრო გამოაჩინეს ფხა. 85-ე წუთზე თორნიკე გაფრინდაშვილმა საჯარიმოს მისადგომებიდან "გაისროლა", მაგრამ ბურთმა ძელს მცირე მანძილით ჩაუქროლა. მანვე, მომდევნო ეპიზოდში ხელსაყრელი სიტუაციიდან დარტყმას პასის მიცემა არჩია და ამასობაში ვითარება განიმუხტა.

მასპინძლები კი თამაშის მიწურულს უღიმღამოდ უტევდნენ და აშკარად ჩანდა, რომ ის ფეხბურთელები, რომლებიც აკლდათ, მათთვის მნიშვნელოვანი ძალაა.

საბოლოოდ 1:1 და ორივე გუნდი წაუგებელი დარჩა, ხოლო ლიდერი - ისევ ლიდერად!.. 

ბოლო 5 მატჩი
1  დილა 7 4 3 0 13-4 15
2  დინამო (თბ) 7 3 3 1 13-3 12
3  საბურთალო 7 3 3 1 8-5 12
4  დინამო (ბთ) 7 2 0 10-5 11
5  თელავი 7 2 4 1 8-5 10
6  ლოკომოტივი 7 2 3 2 9-12 9
7  სამტრედია 7 2 2 3 6-12 8
8  ჩიხურა 7 1 2 4 7-11 5
9  ტორპედო 7 1 2 4 4-11 5
10  მერანი 7 0 3 4 2-12 3

შენიშვნა  ჩემპიონთა ლიგის საკვალიფიკაციო
 ევროპალიგის საკვალიფიკაციო
 ლიგა 2-შის გასავარდნი პლეი ოფი
 პირდაპირ ვარდება ლიგა 2-ში

ბომბარდირები 
მიკოლა კოვტალიუკი (დილა) 6 2 1
ფლამარიონი (დინამო ბთ) 4 - -
ირაკლი სიხარულიძე (ლოკომოტივი) 4 2 -
თორნიკე კაპანაძე (დინამო თბ) 3 1 1
გიორგი ფანცულაია (ტორპედო) 3 - -
ჯაბა ჯიღაური (დინამო ბთ) 3 - -
ირაკლი რუხაძე (თელავი) 3 3 -
ნიჯატ ყურბანოვი (სამტრედია) 3 3 -


  - გოლი - პენალტით;  - საგოლე პასი

მომდევნო ტური

31 ივლისი. თელავი. კავკასიონი არენა

თელავი 21:00 მერანი თბ


1 აგვისტო. თბილისი. დინამო არენა

დინამო (თბ) 20:00 ჩიხურა

1 აგვისტო. თბილისი. მიხეილ მესხი

ლოკომოტივი 21:30 ტორპედო


2 აგვისტო. თბილისი. მიხეილ მესხი

საბურთალო 17:30 დილა

2 აგვისტო. თბილისი. მიხეილ მესხი

დინამო (ბთ) 21:30 სამტრედია

1499
მკითხველის კომენტარები / 0 /
მსგავსი ამბები
რუბრიკის სხვა სიახლეები
;