[ანალიზი, VIDEO] ეროვნული ლიგა. დინამო (ბთ) 3-2 დინამო (თბ). ქალაქი, სადაც მომავალს ვუყურებთ

დინამო (ბთ)-დინამო (თბ)   3:2
11.05. ბათუმი. ანგისას სტადიონი
1:0 ვ. თევდორაძე (23-პენ), 2:0 ჩალაძე (35), 2:1 ადამაძე (75-საკ. კარში), 2:2 ალეფ სანტოსი (86. საკ. კარში), 3:2 თ. გაფრინდაშვილი (90+3)
დინამო ბთ (4-2-3-1): ალავიძე - მელიავა, ადამაძე, გაგოშიძე, ჩალაძე - მამუჩაშვილი, ტეიდი (80. ჯანელიძე) - ფლამარიონი, . თევდორაძე (59. . გაფრინდაშვილი), რამოსი - საბანაძე (78. ალეფ სანტოსი)
სათადარიგოები: გოშაძე, . გადრანი, ცაცკრიალაშვილი, . ჭანტურია
მწვრთნელი: გია გეგუჩაძე
დინამო თბ (4-2-3-1): პერალესი - რუხაია, მონხილი, კობოური, იაშვილი - პაპავა (82. როხანო), . ნინუა - შულაია (59. აზაროვი), კუხიანიძე (66. ზარია), შენგელია - კუტალია
სათადარიგოები: სიკაჩი, ქარდავა, ივანისენია, გაბიტაშვილი
მწვრთნელი: ფელის ვისენტე
გაფრთხილებები: შენგელია (22), ჩალაძე (85), იაშვილი (90), გაფრინდაშვილი (90+3), კუტალია (90+4)
არბიტრი: . ხორავა


სრული სიგიჟე და დაბრუნებული ლიდერობა - ასე მონათლეს ბათუმელმა ფანებმა მორიგი საფეხბურთო ზეიმი აჭარის მთავარი გუნდისა და თბილისის "დინამოს" მონაწილეობით, რომელსაც ანგისას საფეხბურთო ბაზამ უმასპინძლა...

გაუმჯობესებული რეკორდი, ანუ ხალხი კორპუსებიდან

...სავსე სტადიონი, მშვენიერი ამინდი და დიდი მოტივაცია - ასე შეხვდა ბათუმის "დინამო" თბილისის "დინამოსთან" დაპირისპირებას, რომლის მოგების შემთხევაშიც "საბურთალოს" წძაგებით ისარგებლებდა და პირველ ადგილზე დაბრუნდებოდა...

თამაშს მშვენიერი წინაპირობა უძღვოდა - ხალხი სტადიონის მთელ პერიმეტრზე იდგა! ანგისას ბაზაზე წლეულს საოცრებები ხდება. წინა რეკორდი "საბურთალოსთან" შეხვედრაში დაფიქსირდა, მაგრამ ამჯერად ის გაუმჯობესდა და თბილისისელებთან მატჩზე კიდევ უფრო მეტი გულშემატკივარი მივიდა - დაახლოებით 5 ათასი მაყურებელი მაინც.

ხალხი ორივე კარის უკან და ტრიბუნების მოპირდაპირე ტერიტორიაზეც იდგა. შეხვედრის დაწყებამდე საათნახევრით ადრე ფეხზე დასადგომი ადგილებიც აღარ დარჩა და ქომაგები თამაშის ყურებას ახლომდებარე მშენებარე კორპუსებიდან ცდილობდნენ...

აქტიური პრესინგი

ბათუმელებს ორი მოთამაშე დააკლდათ: მიკროტრავმების გამო, თამაში მასპინძელთა ორმა ლიდერმა - გიორგი ნავალოვსკიმ და გია მანჯგალაძემ გამოტოვა.

ორივე გუნდი აქტიური პრესინგით შეეცადა მეტოქისთვის სათამაშო სივრცის შეზღუდვას, ბურთის გაკონტროლებას და უპირატესობის მოპოვებას. მე-18 წუთზე კიჭი მელიავას შეცდომა ბათუმელებს ძვირად დაუჯდებოდათ, მეკარესთვის გადაწოდებული ბურთი ლევან კუტალაის რომ ჩაეჭრა - მიხეილ ალავიძე კარიდან ლამის აუტის ხაზამდე გაიქცა და თავისიანებს ხიფათი აარიდა.

21-ე წუთზე თბილისელებმა სწრაფი კონტრშეტევა განახორციელეს - კუტალიამ ბურთი საჯარიმოში ნიკა ნინუას გააყოლა, რომელმაც ახლოდან კარს ააცილა და ანგარიშის გახსნის რეალური შანსი გაანიავა.

დუბლიორის შანსი

...ბათუმელებმა კი შანსით ისარგებლეს: 22-ე წუთზე, ლაშა ჩალაძე თბილისელთა საჯარიმოში ლევან შენგელიამ წააქცია და ყვითელი ბარათი დაიმსახურა, სტუმართა კარში კი პენალტი დაინიშნა. ბურთთან ვაკო თევდორაძე მივიდა და თავდაჯერებულად დაარტჩა - 1:0. ბათუმელი გულშემატკივარი სიხარულისგან გადაირია!

თბილისელებმა კიდევ უფრო მჭიდრო პრესინგით დაიწყეს მეტოქის შევიწროება, თან უფრო სწრაფი შეტევები სცადეს. 33-ე წუთზე შენგელიამ ბურთი საჯარიმოსთან მიიღო, მცველი ჩამოიტოვა და მისთვისთვის ჩვეული პოზიციიდან კარისკენ "მოჭრა" - ოდნავ არაზუსტად.

...და მალე სტუმრებმა მეორე ბურთიც მიიღეს: ლაშა ჩალაძემ, რომელმაც პირველი გოლის ეპიზოდში პენალტი მოიპოვა, ახლა საჯარიმოს სიახლოვეს მიიღო ბურთი და "მოჭრილი" დარტყმით ხოსე პერალესს შორეულ, დაბალ კუთხეში გაუტანა - 2:0.

საინტერესოა, რომ ჩალაძე ძირითად შემადგენლობაში მხოლოდ გიორგი ნავალოვსკის არყოფნის გამო მოხვდა. მან კი პირველ ტაიმში თავისი შანსი მშვენივრად გამოიყენა და ბათუმის "დინამოს" მაისურით პირველი გოლი გაიტანა.

...თბილისელებმა ტაიმის მიწურულს იმედის გოლის გატანა სცადეს, რაც თამაშის სურთს მნიშვნელოვან  შეცვლიდა, თუმცა ეს მცდელობებიც უშედეგოდ დასრულდა...

ორი ავტოგოლი

თბილისელებმა პირველად კარში 54-ე წუთზე დაარტყეს - საჯარიმოს სიახლოვიდან კუტალიამ "გაისროლა", მაგრამ მეკარეს საფრთხე ვერ შეუქნა. ასეთივე აღმოჩნდა ბენჯამინ ტეიდის დარტყმაც, რომელიც... კარის უკან ტრაქტორზე მოკალათებულ გულშემატკივარზე დამიზნებას უფრო ჰგავდა...

საერთოდ, მეორე ტაიმი პირველზე უარესი გამოდგა - ბათუმელებს ანგარიშის შენარჩუნება სურდათ, თბილისელები კი გადამწყვეტი შტურმის დაწყებას ვერ ახერხებდნენ...

თუმცა თბილისელებმა სხვაობა მაინც შეამცირეს: 75-ე წუთზე მოედანზე ახალშესულმა, 17 წლის ირაკლი აზაროვმა მარცხენა ფლანგიდან ბურთი საჯარიმოში ჩაჰკიდა, სადაც გურამ ადამაძემ მოგერიება სცადა, მაგრამ... ბურთი საკუთარ კარში ჩაჭრა - 2:1.

იქვე სტუმრები კიდევ ერთ გოლს გადაურჩნენ, კარს კი რამოსი უმიზნებდა. 83-ე წუთზე ანტონიო როხანოსთვის გამიზნული გადაცემა ზუსტი იყო და თბილისელთა ლეგიონერს გატანის შანსი ექნებოდა, ალავიძე კარიდან დროულად რომ არ გამოსულიყო.

დედაქალაქელებმა მიზანს მაინც მიაღწიეს: ფლანგიდან ნიკა ნინუას მიერ შესრულებული "სტანდარტი" კარში მიდიოდა, ალეფ სანტოსმა კი ბურთის მოგერიება სცადა და... საკუთარ მეკარეს გაუტანა - 2:2.

ბათუმური მაჟორი

მაგრამ ბათუმელებმა მაინც მოიგეს - დამატებულ წუთებზე გიორგი ჯანელიძემ საჯარიმოში შეაყოლა ბურთი შეცვლაზე შესულ თორნიკე გაფრინდაშვილს, რომელმაც მახვილი კუთხიდან შორეულ "ცხრიანში" მოარტყა - 3:2!

12 ტურის შემდეგ ბათუმის "დინამომ" 25 ქულა დააგროვა და ერთტურიანი პაუზის შემდეგ კვლავ ერთპიროვნული ლიდერია.

ასეთ გარემოში თამაში სულ სხვა სიამოვნებაა. თითქოს, ბათუმში სხვა ქვეყნის ჩემპიონატი ტარდება - ეს ის ქალაქია, სადაც მომავალს ვუყურებთ, სადაც ბევრად კარგია ქართულ ფეხბურთი, ვიდრე ცარიელი ტრიბუნების წინაშე. ამის გამო ბათუმელებს მადლობა ეკუთვნით!

1. დინამო (ბთ) 12 8 1 3 20:13 25
2. საბურთალო 12 8 0 4 25:19 24
3. ტორპედო 12 7 2 3 18:13 23
4. დინამო (თბ) 12 6 2 4 24:13 20
5. ჩიხურა 12 4 6 2 15:11 18
6. სიონი 12 5 2 5 17:25 17
7. დილა 12 4 2 6 11:12 14
8. ვიტ ჯორჯია 12 3 2 7 7:13 11
9. ლოკომოტივი 12 3 0 9 13:21 9
10. რუსთავი 12 2 3 7 12:22 9

ბომბარდირები
ჯ. უგულავა (სიონი) 8
ლ. კუტალია (დინამო თბ) 7
ო. როლოვიჩი (საბურთალო) 6
ლ. შინდაგორიძე (საბურთალო) 6
ვ. ისიანი (სიონი) 6
ლ. შენგელია (დინამო თბ) 5
გ. დიასამიძე (საბურთალო) 5
ჯ. ფლამარიონი (დინამო ბთ) 5
ბ. ზივზივაძე (ტორპედო) 5
მ. სარდალიშვილი (ჩიხურა) 5

მომდევნო ტური
სამშაბათი, 14 მაისი
ტორპედო-საბურთალო 16:00
ვიტ ჯორჯია-სიონი 20:00
ოთხშაბათი, 15 მაისი
ჩიხურა-რუსთავი 17:00
დილა-დინამო (ბთ) 19:00
დინამო (თბ)-ლოკომოტივი 21:00
1364
მკითხველის კომენტარები / 0 /
მსგავსი ამბები
რუბრიკის სხვა სიახლეები
;