[ანალიზი, VIDEO] ეროვნული ლიგა. რუსთავი 2-1 დილა. დამსახურებული გამარჯვება და დაგვიანებული გაღვიძება

რუსთავი-დილა  2:1
14.06. რუსთავი. სფფ-ის ტექნიკური ცენტრი
1:0 . კიტეიშვილი (25. იმნაძის პასით), 2:0 ყიფიანი (41. პ. კიტეიშვილის პასით), 2:1 ნონიკაშვილი (77. კუგბენიას პასით)
რუსთავი (4-1-4-1): კულუა - კაპანაძე, ბუგულოვი, ჯაფიაშვილი, ფონიავა - გუჯაბიძე - სილაგაძე (72. ჩოგაძე), . კიტეიშვილი, ციცქიშვილი, ყიფიანი (87. ბ. ქავთარაძე) - იმნაძე
სათადარიგოები: პროკოპენკო, ზვიადაძე, ნარიმანიძე
მწვრთნელი: ვარლამ კილასონია
დილა (4-1-4-1): ბეგაშვილი - კერელეიშვილი (57. ლემპტი), მირცხულავა, ჩადუნელი, გიორბელიძე - ნონდი - ფორტესი, ნონიკაშვილი, კუგბენია, პაიმი (43. კუცია) - გოშთელიანი (65. სპანდერაშვილი)
სათადარიგოები: ტიტვინიძე, რაზმაძე, თორ. გრიგალაშვილი
მწვრთნელი: გიორგი დეკანოსიძე
გაფრთხილება: გუჯაბიძე (36), ნონიკაშვილი (42), ბუგულოვი (75), მირცხულავა (83)
არბიტრი: . ვადაჭკორია


ამ შეხვედრაში დაძაბულობა თავიდანვე გარანტირებული იყო. დანაკლისი ორივე გუნდს ჰქონდა. მასპინძლებს დისკვალიფიკაციის გამო დააკლდათ ლუკა გადრანი და ლაშა ქოჩლაძე. არ იყოეკარე გიორგი მამარდაშვილი მძიმე ტრავმამ ხანგრძლივად ჩამოაშორა ფეხბურთს ფარხად გისტაროვი, ხოლო "დილას" არ ჰყავდა მეკარე ლუკა გუგეშაშვილი...

ოთარის ძმა პაატა...

თამაში რუსთაველთა აქტიურობით დაიწყო. მასპინძლებმა რამდენჯერმე მწვავედ შეუტიეს მეტოქის კარს, მაგრამ გორელთა დაცვა, ბაქარ მირცხულავას მეთაურობით, მშვიდად გაუმკლავდა ამ იერიშებს.

მე-16 წუთზე "რუსთავმა" კარგი კომბინაცია გაათამაშა. ლუკა სილაგაძემ დასარტყმელ პოზიციაზე გაიყვანა ლუკა იმნაძე, ვის დარტყმულსაც სიზუსტე დააკლდა. დინამიური მომენტი იყო. მალევე, ზაზა ციცქიშვილის რეიდი ვიხილეთ - მის დარტყმულ ბურთს გიორგი ბეგაშვილი ადგილზე დახვდა.

ვარლამ კილასონიას გაწვრთნილი გუნდი მეტოქეზე სწრაფად და მწვავედ თამაშობდა. ამან შედეგი 25-ე წუთზე გამოიღო. იმნაძის გადაცემის შემდეგ პაატა კიტეიშვილმა, ვინც საქართველოს ნაკრებისა და "შტურმის" ნახევარმცველ ოთარ კიტეიშვილის ძმაა, კარგად გაასრიალა ბურთი სველ მინდორზე და მასპინძლები დაწინაურდნენ.

ამასობაში, "რუსთავს" კიდევ ერთი კარგი მომენტი შეექმნა, მაგრამ იმნაძის დარტყმული ბურთი გარედან მოხვდა გორელთა კარის ბადეს.

ტაიმის დასრულებამდე სამი წუთით ადრე  "რუსთავის" უპირატესობა ორბურთიანი გახდა. კიტეიშვილმა ნიკოლაი ყიფიანს გადააწოდა, ამ უკანასკნელმა ფიზიკურ ორთაბრძოლაში დაჯაბნა მირცხულავა, მეკარესთან პირისპირ გავიდა და ბეგაშვილს შანსი არ დაუტოვა.

მხოლოდ ნონიკაშვილის შედევრი

მეორე ტაიმი კვლავ რუსთაველთა იერიშებით დაიწყო. კიტეიშვილსა და ყიფიანს შესანიშნავი საგოლე შანსები ჰქონდათ, მაგრამ მათი გამოყენება ვერ შეძლეს. ზოგადად, "დილა" თითქოს ტაიმის დაწყებისთანავე გააქტიურდა, მაგრამ გორელები მხოლოდ უწყინარ ჩაწოდებებს დასჯერდნენ.

ძალიან არასანახაობრივი ტაიმი, რომლის მთავარი მახასიათებელიც ბრძოლა იყო, ლევან ნონიკაშვილის გოლმა დაამშვენა. გორელთა შორის საუკეთესომ მარცხენა ფლანგიდან ცენტრისკენ შეიწია და "მოჭრილი" დარტყმით ულამაზესი გოლი შეაგდო.

საბოლოო ჯამში "რუსთავმა" მეტად მნიშვნელოვანი შეხვედრა მოიგო. "დილამ" ტრადიციას არ უღალატა და მხოლოდ მაშინ გამოფხიზლდა, როცა ორი ბურთით ჩამორჩა და ისიც ნაწილობრივ. სტუმართა ფეხბურთელებმა ვერ გამოავლინეს საკუთარი შესაძლებლობები. ასე თუ ისე მისაღებ დონეზე ითამაშეს გოლის ავტორმა ნონიკაშვილმა და შეცვლაზე შესულმა გიორგი კუციამ. ეს კი თუნდაც ქულის მოსაპოვებლად საკმარისი არ აღმოჩნდა.

675
მკითხველის კომენტარები / 0 /
მსგავსი ამბები
რუბრიკის სხვა სიახლეები
;