[ანალიზი, VIDEO] ეროვნული ლიგა. სიონი 0-4 დილა. ბოლნისში კუცია ვერ გააჩერეს...

სიონი-დილა  0:4
05.10. ბოლნისი. თამაზ სტეფანია
0:1 კუცია (47. ფორტესის პასი), 0:2 კუცია (64. სპანდერაშვილის პასით), 0:3 ფორტესი (66-პენ), 0:4 ფორტესი (79. კუციას პასით)
სიონი (3-5-2): გოშაძე - ჩაჩუა, ჯაფიაშვილი, აფაქიძე - ივანიშვილი (77. უგრეხელიძე), გვარაძე (46. უგულავა), თარხნიშვილი, ხმალაძე, კახაბრიშვილი (57. სუხიაშვილი) - ტატანაშვილი, თარგამაძე
სათადარიგოები: . ისიანი, თომაშვილი, უგრეხელიძე, ტვილდიანი
მწვრთნელი: თემურ შალამბერიძე
დილა (4-2-3-1): ჩოჩიშვილი - ბალგუ, მირცხულავა, ჩადუნელი, გიორბელიძე - გაგნიძე (65. ლემპტი), რაზმაძე (77. ქურდაძე) - ფორტესი, კუცია, პაიმი (46. სპანდერაშვილი) - გოშთელიანი
სათადარიგოები: ტიტვინიძე, . სანტოსი, . სანტოსი, კოვტალიუკი
არბიტრი: . ვადაჭკორია


ასეთ შედეგს ნამდვილად ვერ წარმოვიდგენდით - გორის "დილამ" "სიონთან" შესანიშნავი მატჩი ჩაატარა, მეტადრე მეორე ტაიმში, ოთხი უპასუხო გოლი გაუტანა მოწინააღმდეგეს და ზედიზედ მე-3 გამარჯვების შემდეგ ელიტაში დარჩენა კი არა, ახლა არც ევროსაგზურის მოპოვებაა წარმოუდგენელი ამოცანა, იმდენად მჭიდროა სატურნირო განლაგება...

ჩოჩიშვილი, როგორც კედელი...

არადა, მატჩი ისე დაიწყო, 4:0-ის ნიშანწყალიც არ ჩანდა. პირველი სახიფათო მომენტი ბოლნისელებმა შექმნეს. დავით თარგამაძემ ტექნიკური მანევრი შემოგვთავაზა და შორიდან დაარტყა კიდეც, მაგრამ მეკარე გიორგი ჩოჩიშვილმა ძალიან კარგად ითამაშა.

მე-17 წუთზე "სიონმა" კიდევ ერთი საგოლე მომენტი შექმნა. ბექა გვარაძეს თავურით მართებდა მოწინააღმდეგის კარის აღება, მაგრამ კვლავ შესანიშნავად გაისარჯა ჩოჩიშვილი - ადგილზე დახვდა ბურთს.

იქვე დიმიტრი ტატანაშვილი გაიხსნა კარგად გორელთა საჯარიმოში და პარტნიორმა კარგი პასიც გაუკეთა, მაგრამ... უკანასკნელ წამს იენდეუნტი ბალგუმ იმარჯვა და გამოცდილ შემტევს არ გაატანინა.

ორიოდე წუთში "დილა" კიდევ ერთხელ გადარჩა. გვარაძეს ერთხელაც მიეცა გატანის შესანიშნავი შანსი. მისი დარტყმული შეიძლება არ იყო იდეალური სიძლიერის, მაგრამ ბურთი "ცხრიანისკენ" გაფრინდა და ჩოჩიშვილმა კიდევ ერთხელ დაიმსახურა ალალი აპლოდისმენტები.

მართალია, პირველი ტაიმის დასკვნით ნაწილში "დილამ" მოუმატა და თამაში მეტოქის ნახევარზე გადაიტანა, მაგრამ ვერავინ წარმოიდგენდა, რომ გორელები მეორე ტაიმში ასე გაილაღებდნენ...

ასე გაფრინდა დილა ბოლნისში

დაიწყო მეორე ტაიმი და "დილამ" ეგრევე შეაგდო ეფექტური გოლი. გურამ გოშთელიანმა მარჯვენა ფლანგზე ალვინ ფორტესს გააყოლა ბურთი, მან კი საჯარიმოში შეასრიალა და გიორგი კუციამ ქუსლით აიღო მასპინძელთა კარი.

წამიც და "დილას" ისევ შეეძლო გატანა. ისევ გოშთელიანმა იაქტიურა და ფორტესმა კარგად დაარტყა, მაგრამ მეკარე ოთარ გოშაძემ სასწაული რეაქცია გამოავლინადა გადაარჩინა გუნდი.

ისე გამოჩნდა, რომ "სიონს" ვერ არგო მეორე ტაიმის დასაწყისიდანვე ორ ცენტრფორვარდზე გადასვლამ. გორელები სულ უფრო მეტ ნაპრალს პოულობდნენ ბოლნისელთა დაცვაში. მაგალითად, 58-ე წუთზე "დილას" რამდენჯერმე შეეძლო გატანა, მაგრამ მიზანს ვერ მიაღწია. ბოლოს ბოლნისელმა მცველებმა ნუგზარ სპანდერაშვილს დაუფარეს დარტყმა.

64-ე წუთზე "დილამ" მეორეც შეაგდო. გოშთელიანმა და სპანდერაშვილმა შესანიშნავად გაითამაშეს ბურთი. ეს უკანასკნელი მაღალი სისწრაფით შეიჭრა მეტოქის საჯარიმოში და კუცია მონახა, რომელსაც დუბლის შესრულებაში ხელი ვერავინ შეუშალა.

აქ მორჩა...

მასპინძელი ორი გაშვებული გოლის შემდეგ მთლად მოიშალა. ექსსიონელი გურამ გიორბელიძე ბოლნისელებმა საჯარიმოში აკრძალული ხერხით შეაჩერეს და 11-მეტრიანის ნიშნულიდან ალვინ ფორტესმა ივარგა - 3:0

აქ გადაწყდა თამაშის ბედი. 79-ე წუთზე კი ვიხილეთ იმავე ფორტესის ულამაზესი გოლი - საჯარიმოს კუთხიდან ცაციათი შორეულ "ცხრიანში" გაახვია ბურთი. კაპევერდელს შორეული პასით ასისტენტობა კუციამ გაუწია.

გარდა დუბლისა და საგოლე პასისა, "დილას" ნახევარმცველი მთელი შეხვედრის განმავლობაში შესანიშნავ პასებს არიგებდა და ბევრსაც მუშაობდა. ისიც ვთქვათ, რომ "სიონმა" თამაში 10 ფეხბურთელით ჩაამთავრა - ეს მას შემდეგ, რაც დავით თარგამაძე დაშავდა. ამ დროისთვის "სიონის" სამწვრთნელო შტაბს ყველა შეცვლა გამოყენებული ჰქონდა... 

1. დინამო (თბ) 29 19 4 6 61:27 61
2. დინამო (ბთ) 29 19 4 6 50:24 61
3. საბურთალო 29 16 6 7 51:31 54
4. ლოკომოტივი 30 12 4 14 36:42 40
5. ტორპედო 30 11 7 12 48:45 40
6. დილა 30 10 7 13 34:38 37
7. რუსთავი 29 8 10 11 32:42 34
8. ჩიხურა 29 7 11 11 35:34 32
9. სიონი 30 8 7 15 32:69 31
10. ვიტ ჯორჯია 29 4 6 19 12:38 18
2383
მკითხველის კომენტარები / 0 /
მსგავსი ამბები
რუბრიკის სხვა სიახლეები
;