ანანიძე თბილისის "დინამოში" - ჯანო მოსალაპარაკებლად იმყოფებოდა

ბათუმის „დინამოში“ ჯანო ანანიძის დამატება, ფაქტობრივად, გადაწყვეტილი ჩანდა. მაგრამ საქართველოს ნაკრების შემტევი ნახევარმცველს სხვა წინადადებებიც შესტავაზეს და გავრცელებული ცნობის მიხედვით, ის თბილისის „დინამოში“ ითამაშებს.

დადასტურებული ინფორმაციით, ჯანო ანანიძის დამატება საქართველოს ყველაზე ტიტულოვან კლუბმა თბილისის „დინამომ“ სცადა და მას ერთწლიანი ხელშეკრულება შესთავაზეს. საქართველოს მოქმედი ჩემპიონი ჩემპიონთა ლიგის საკვალიფიკაციო ეტაპზე ითამაშებს და ბუნებრივია, გაძლიერება სჭირდება.

ანანიძეს ბათუმის „დინამოს“ ხელმძღვანელობა დაელაპარაკა და 1,5-წლიანი კონტრაქტი შესთავაზეს. მაგრამ ბოლოს ვითარება თბილისელთა შეთავაზებამ შეცვალა. 27 წლის ფეხბურთელს თბილისური კლუბის ხელმძღვანელობა 20 მაისს დაელაპარაკა.

არის ვერსია, რომ ჯანო ანანიძეს საბერძნეთშიც იწვევდნენ - „ჯვაროსნების“ ფეხბურთელს მასიმო კარერა დაუკავშირდა - მოსკოვის „სპარტაკის“ ყოფილი დამრიგებელი, რომელიც ამჟამად ათენის აეკ-ის მთავარი მწვრთნელია. იტალიელი სპეციალისტი ანანიძის რუსულ კარიერაში ყველაზე ნათელი წერილი იყო, რადგან მოსკოვურ გუნდში ყველაზე მეტი სათამაშო დრო და ნდობა სწორედ კარერას დროს ჰქონდა.

მაგრამ არსებული ინფორმაციით, ჯანო კარიერის ეროვნულ ლიგაში გაგრძელებას აპირებს. ამტკიცებენ, რომ ის დიღმის ბაზაზე იყო და იქიდან კონტრაქტით წავიდა. მაგრამ დრო გამოაჩენს, ანანიძემ თბილისის „დინამოსთან“ კონტრაქტი გააფორმა თუ არა.

1621
მკითხველის კომენტარები / 0 /
მსგავსი ამბები
რუბრიკის სხვა სიახლეები
;