ანჩელოტი მსაჯებს დაემდურა, კლოპმა ალისონი ადიდა - 'რომ მცოდნოდა, ის ასეთი მაგარი იყო, ორმაგს გადავიხდიდი'

"ნაპოლის" მთავარმა მწვრთნელმა კარლო ანჩელოტიმ განაცხადა, რომ დრის მერტენსის წაქცევისთვის "ლივერპულთან" შეხვედრაში არბიტრს ვირჯილ ვან დეიკი უნდა გაეძევებინა:

"ეს იყო წითელი ბარათი! ვან დეიკი მინდვრიდან გაძევებას იმსახურებდა. გასაგებია, რომ ჩემპიონთა ლიგაში ვიდეორეფერი პლეი ოფებიდან დაინერგება, მაგრამ, ჩემი აზრით, ეს უკვე ძალიან დაგვიანებულია. რაც შეეხება ჩემპიონთა ლიგიდან გავარდნას, ევროპალიგაც მშვენიერი ტურნირია და იქ წარმატებით უნდა ვითამაშოთ", - თქვა ანჩელოტიმ.

"ჩემი ფეხბურთელები ამ შეხვედრაში ფანტასტიკურები იყვნენ. უეფაში ალბათ ჩათვალეს, რომ ჩვენ გამოვეთიშეთ ტურნირს, მაგრამ ეს ასე არ მოხდა. დღეს ჩვენ აშკარად ვიმსახურებდით მოგებას და ეს მოგება მივიღეთ კიდეც", - განაცხადა "ლივერპულის" მთავარმა მწვრთნელმა იურგენ კლოპმა, რომელმაც მეკარე ალისონ ბეკერი ცამდე აიყვანა.

შეგახსენებთ, უკანასკნელ წუთზე "ლივერპულის" მეკარემ სასწაული ბურთი მოიგერია არკადიუშ მილიკის დარტყმის შემდეგ:

"რომ მცოდნოდა, ის ასეთი მაგარი იყო, ორმაგს გადავიხდიდი", - თქვა კლოპმა ბრაზილიელ მეკარეზე, რომელიც "ლივერპულს" 65 მილიონი ფუნტი დაუჯდა.

ყოველდღიური სპორტული გაზეთი "ლელო"
803
მკითხველის კომენტარები / 0 /
მსგავსი ამბები
რუბრიკის სხვა სიახლეები
;