არაფერს უჩივიან, სათამაშოდ მზად არიან... გია ცეცაძე კმაყოფილია

საქართველოს ახალგაზრდულმა ნაკრებმა ბოლო ვარჯიში გამართა სლოვენიასთან ამხანაგურ მატჩამდე, რომელიც პარასკევს, 22 მარტს, გორის "თენგიზ ბურჯანაძეზე" გაიმართება. 21-წლამდელები ტექნიკურ ცენტრ "ბასაში" ემზადებიან.

"გუნდის მომზადებით კმაყოფილი ვარ. ბიჭები არაფერს უჩივიან და სათამაშოდ მზად არიან. ჩვენთვის ეს მორიგი მატჩია ევროშესარჩევისთვის მოსამზადებელ ეტაპზე, რომელიც სექტემბერში დაგვეწყება. სლოვენიასა და ისრაელთან მატჩები დაგვეხმარება, რათა ფეხბურთელებამდე ზუსტად მივიტანოთ ის, რასაც ვგეგმავთ", - განაცხადა ახალგაზრდული ნაკრების მთავარმა მწვრთნელმა გია ცეცაძემ.

სლოვენიის შემდეგ, 26 მარტს, საქართველოს ახალგაზრდული ნაკრები გორშივე კიდევ ერთ ამხანაგურ მატჩს გამართავს, ამჯერად - ისრაელთან. ცეცაძის განკარგულებაში ეს ფეხბურთელები არიან:

მეკარეები - ლუკა გუგეშაშვილი (დილა), დემეტრე ბულისკერია (ლოკომოტივი), ლუკა სანიკიძე (თელავი);

მცველები - ლუკა ლოჩოშვილი (ჟილინა, სლოვაკეთი), დავით კობოური (დინამო თბ), ვაჟა ფაცაცია (დინამო ბთ), თორნიკე ძებნიაური (ლოკომოტივი), ილია ბერიაშვილი (თელავი), გიორგი ჯინჯოლავა (საბურთალო), ნიკა მალი (საბურთალო), ლუკა ლაკვეხელიანი (საბურთალო);

ნახევარმცველები - გიორგი კუცია (დილა), ნიკა ნინუა (დინამო თბ), გიორგი ქოჩორაშვილი (ჟირონა, ესპანეთი), დავით სამურკასოვი (ლოკომოტივი), ლუკა სილაგაძე (რუსთავი), თემურ ჩოგაძე (რუსთავი), ზუკა დავითაშვილი (ლოკომოტივი);

თავდამსხმელები - გიორგი არაბიძე (ნასიონალი, პორტუგალია), ირაკლი ბუღრიძე (ბეერსხოტი, ბელგია), ბექა ქავთარაძე (რუსთავი), ნუგზარ სპანდერაშვილი (დილა), რატი არდაზიშვილი (ლოკომოტივი).

936
მკითხველის კომენტარები / 0 /
მსგავსი ამბები
რუბრიკის სხვა სიახლეები
;