არბიტრი, სიმულაცია, დროის გაყვანა... თურმე, რატომ ვერ მოიგო ნაპოლიმ

"ნაპოლიმ" ჩემპიონთა ლიგის ჯგუფური ეტაპი "ცრვენა ზვეზდასთან" საგარეო ფრით (0:0) დაიწყო, არადა, აშკარა ფავორიტი იყო და ქომაგები მისგან მხოლოდ გამარჯვებას ელოდნენ.

ვნახოთ, როგორ შეაფასა ბელგრადული მატჩი "ნაპოლის" მწვრთნელმა კარლო ანჩელოტიმ:

"ძალიან დუნედ ვითამაშეთ, პასები არ ვარგოდა, ბევრი შეცდომა დავუშვით... სამწუხაროა, რომ 2 ქულა დავკარგეთ ასეთ რთულ ჯგუფში. თუმცა წინ კიდევ 5 მატჩია, ამიტომ, ტრაგედია არ უნდა შევქმნათ. საწყენია ფრე იმიტომაც, რომ ახლოს ვიყავით გოლთან...

ბოლო 15 წუთი არ ყოფილა ნორმალური ფეხბურთი. "ცრვენა ზვეზდას" მოთამაშეები დროის გაყვანის დიდოსტატები არიან. იყო ბევრი სიმულაციაც, არბიტრი კი ძალიან ადვილად წამოეგო ამ ანკესტზე...

მაგრამ ჩვენი ბრალი ის არის, რომ აქამდე მივიყვანეთ საქმე. ადრევე უნდა გაგვეტანა გოლი და მერე სულ სხვა თამაში წავიდოდა", - ამბობს ანჩელოტი.

420
მკითხველის კომენტარები / 0 /
მსგავსი ამბები
რუბრიკის სხვა სიახლეები