არსენალის ფეხბურთელები კარანტინში გადაიყვანეს!.. მანჩესტერ სიტი-არსენალის ოთხშაბათის მატჩი გაუქმდა

ლონდონის "არსენალის" რამდენიმე ფეხბურთელი ორკვირიან კარანტინში გადაიყვანეს. მათი ვინაობა არ საჯაროვდება. როგორც ირკვევა, ამ ფეხბურთელებს კონტაქტი ჰქონდათ "ნოტინგემ ფორესტისა" და "ოლიმპიაკოსის" მფლობელ ევანგელოს მარინაკისთან, ვისაც კორონავირუსით დაინფიცირება დაუდასტურდა.

საქმე ისაა, რომ 27 თებერვალს ბერძენი მილიარდერი დაესწრო ევროპალიგის 1/16 ფინალში "არსენალისა" და "ოლიმპიაკოსის" მატჩს ლონდონურ მატჩს, რომელიც ბერძნების გამარჯვებით, 2:1 დასრულდა.

ევანგელოს მარინაკისი ოლიმპიაკოსის ფეხბურთელებთან ერთად გასახდელში ზეიმობს


აღმოჩნდა, რომ საფინალო სასტვენის შემდეგ მარინაკისი "მეთოფეთა" რამდენიმე ფეხბურთელს დაეკონტაქტა, ხოლო თავისი კლუბის ფეხბურთელებთან ერთად გამარჯვება გასახდელში იზეიმა.

ფეხბურთელების კარანტინში გადაყვანის გამო, გაუქმდა "მანჩესტერ სიტისა" და "არსენალს" შორის გადადებული მატჩი, რომელიც ოთხშაბათს, 11 მარტს, "ეტიჰადზე" უნდა გამართულიყო. 

779
მკითხველის კომენტარები / 0 /
მსგავსი ამბები
რუბრიკის სხვა სიახლეები
;