[VIDEO] არსენ ვენგერი: ის გოლი ვან დაიკის ბრალია!..

"ბარსელონასა" და "ლივერპულის" მატჩის თაობაზე კომენტარი გააკეთა არსენ ვენგერმა, რომელიც ყატარულმა ტელეკომპანია beIN Sports-მა ექსპერტად მიიწვია. საინტერესოა ვენგერის მოსაზრება "ბარსას" პირველ გოლზე:

"როცა "ბარსელონა" მოედნის ბოლო მესამედში, ანუ შეტევის ფაზაშია, სწორედ აქ აჩვენებს თავის კლასს. თქვენ ნახეთ პირველი გოლი - ერთი შანსი და ისიც გოლი! ეს ძალიან საინტერესო ეპიზოდია. ვან დაიკი დარაჯობდა სუარესს და ბოლომდე უნდა გაჰყოლოდა, რათა ალბას პასი გაენეიტრალებინა.

როცა ლაპარაკია ასეთი მაღალი კლასის ცენტრალურ მცველზე, გაუგებარია, როგორ ვერ შეუშალა ხელი მან სუარესს საგოლე დარტყმაში. ეპიზოდის დასაწყისში ვან დაიკის პოზიცია უკეთესი იყო, მაგრამ მან რეაგირება აღარ მოახდინა შეტევის განვითარებაზე.

ნებისმიერ შემთხვევაში, ყველაფერი კარგად გამოვიდა. თავად ალბას პასიც ფანტასტიკური იყო. მეკარეს არ ჰქონდა საშუალება, რომ ჩაეჭრა გადაცემა. მართლაც შესანიშნავი ეპიზოდი ვიხილეთ", - ამბობს ვენგერი.

1105
მკითხველის კომენტარები / 0 /
მსგავსი ამბები
რუბრიკის სხვა სიახლეები
;