არტურო ვიდალიც მანჩესტერ იუნაიტედში?

"მანჩესტერ იუნაიტედი" ზაფხულში მიუნხენის "ბაიერნის" ჩილელი ნახევარმცველის, არტურო ვიდალის დამატებას შეეცდება.

ვიდალს კონტრაქტი ბავარიულ კლუბთან 2019 წლის ზაფხულამდე აკავშირებს, მაგრამ "ოლდ ტრაფორდზე" ფიქრობენ, რომ ჩილელის გადაბირება არ გაუჭირდებათ, რადგან რეკორდმაისტერმა ახალგაზრდა ნახევარმცველი ლეონ გორეცკაც დაიმატა და ცენტრში უკვე დიდი კონკურენციაა. ამის გამო არტურო ვიდალმა, შეიძლება ადგილი დაკარგოს ძირითად შემადგენლობაში.

მეორე მხრივ "მანჩესტერის", თავკაცს, ჟოზე მოურინიოს, დიდი საფიქრალი აქვს ნახევარმცველებზე შემდეგი სეზონისთვის. მაიკლ ქერიკი გულის პრობლემებს უჩივის, ფელაინს ახალი ხელშეკრულებისთვის ხელი არ მოუწერია და ასევე სავარაუდოა რომ ერერაც დატოვებს გუნდს.

დიდი შანსია, მოურინიომ კიდევ ერთი დიდი შენაძენი გააკეთოს არტულო ვიდალის სახით. გასათვალისწინებელია ისიც, რომ "იუნაიტედის" რიგებში ვიდალის თანამემამულე ალექსის სანჩესიც ირიცხება, რაც ამ ტრანსფერის შანსებს ზრდის.

"ბაიერნის" მთავარი მწვრთნელის იუპ ჰაინკესის განცხადებით ჩილელის ბედი ზაფხულში გადაწყდება.

1191
მკითხველის კომენტარები / 0 /
მსგავსი ამბები
რუბრიკის სხვა სიახლეები
;