არქანიას იაპონური ბრინჯაო ტოკიოს კარატისტთა პრემიერლიგის შეჯიბრებიდან

ტოკიომ კარატისტთა პრემიერლიგის შეჯიბრებას უმასპინძლა. მედლებისთვის პაექრობაში საქართველოს ორი წარმომადგენელი მონაწილეობდა.

+84 კილოგრამ წონით კატეგორიაში მსოფლიოს ექსჩემპიონმა გოგიტა არქანიამ მესამე ადგილი დაიკავა და საოლიმპიადედ სარეიტინგო ქულებიც გაიმდიდრა.

ქართველი სპორტსმენი პირველ წრეში თავისუფალი იყო. მეორეში ჰოლანდიელ ალექს გრეემერსს სძლია - 2:0, შემდეგ მის გზას გაუყენა ამერიკელი ბრაიან ირი - 4:0, მეოთხედფინალში ყაზახი დიმაშ უკმატოვი დაჯაბნა - 6:0, ნახევარფინალი ტიტულოვან ჯონათან ჰორნესთან (გერმანია) მინიმალური სხვაობით დათმო - 0:1, სამაგიეროდ, ბრინჯაოს მედლისთვის ორთაბრძოლაში მასპინძელი დაიკი ანდო დაამარცხა - 1:0. მეორე ბრინჯაო ფრანგ მენდი ფილალის ერგო, რომელმაც ირანელ საჯად განჯზადენს სძლია - 4:2, გადამწყვეტ შეხვედრაში ჰორნემ სალეხ აბაზარს (ირანი) მოუგო - 1:0 და ოქროს მედალი დაიმსახურა.

60 კილოგრამ წონით კატეგორიაში დავით ტყებუჩავამ სტარტზე მასაკი იამაოკას (იაპონია) აჯობა 1:0, მაგრამ მეორე წრეში უკრაინელ ვიკტორ სტეფანიუკთან დამარცხდა - 0:1 და შეჯიბრებას გამოეთიშა.

ყოველდღიური სპორტული გაზეთი "ლელო"
240
მკითხველის კომენტარები / 0 /
მსგავსი ამბები
რუბრიკის სხვა სიახლეები
;