ასეთი რამ მხოლოდ ტყუპებმა შეიძლება გააკეთონ!.. შოთა არველაძემ საინტერესო ისტორია გაიხსენა...

სოციალური ქსელის მეშვეობით შოთა არველაძემ მეტად საინტერესო ისტორია გაიხსენა. საქმე ეხება იმ პერიოდს, როცა ის ტყუპისცალ არჩილთან ერთად "ტრაბზონსფორის" ღირსებას იცავდა.

რა შეხსენება გჭირდებათ, მაგრამ მაინც - ჩვენებურები თურქული კლუბის ლიდერები იყვნენ და ტრაბზონში დღესაც უზომოდ პოპულარულები არიან...

ახლა რაც შეეხება ისტორიას. კი ის დროა, შოთას მოვუსმინოთ. მან სოვიალურ ქსელში წლების წინ გადაღებული ფოტო გამოაქვეყნა და თან ჩვენთვის აქამდე უცნობი ისტორიაც დაურთო.

"ეს ჩემი და აჩის ტრაბზონული კარიერის ერთ-ერთი გამორჩეული მომენტია. რამდენიმე თურქულმა გვერდმა დადო ეს ფოტო და გამახსენდა ის ემოცია, რომელიც გოლის გატანის და თამაშის დასრულების შემდეგ აჩისთან ერთად მქონდა.

სტამბოლში, ერთ-ერთ მატჩში ძალიან გაგვიჭირდა, გოლს ვერ ვიტანდით. აჩი ტრავმის გამო ვერ გვეხმარებოდა, თუმცა სათადარიგო სკამზე იყო. მეორე ტაიმში, შენოლ გიუნეშს უთხრა - მოწინააღმდეგის კარის უკან დავდგები და შოთის გოლის გატანაში დავეხმარებიო.

მწვრთნელმა ნება დართო და აჩიც კარის უკან, იმ ფეხბურთელებთან ერთად წავიდა, რომლებიც შეცვლაზე შესვლის წინ ხურდებოდნენ. ერთ-ერთ მომენტში, ბურთი კარგად დავიჭირე და გოლი შევაგდე. მახსოვს ძალიან ემოციურად აღვნიშნეთ. თამაშის მერე ყველა გვეხვეოდა და გვილოცავდა. ასე იცოდა ჩემთვის საყვარელმა ადამიანმა ჯემალ ჩიმაკაძემაც (ჩარლიკამ). როცა მოედანზე ერთად ვიყავით, იტყოდა - წავალ კარის უკან დავდგები, სხივებს გამოვუშვებ და ორივე შეაგდებთო".

3237
მკითხველის კომენტარები / 0 /
მსგავსი ამბები
რუბრიკის სხვა სიახლეები
;