ასოციაციის თასის ფინალი:მოურინიო კონტეს წინააღმდეგ

ინგლისის ასოციაციის თასის ფინალში "მანჩესტერ იუნაიტედი" და "ჩელსი" შეიბმებიან. ასე რომ, შაბათ საღამოს მოსაწყენად ნამდვილად არავის ეცლება.

გრანდების შეხლა ყოველთვის ძალიან საინტერესოა, მით უმეტეს, ორივე კლუბისთვის, რადგან სასწორზე ძალიან ბევრი რამ დევს.

"ჩელსი" ვერ მოხვდა ჩემპიონთა ლიგაში. ამდენად, სეზონი ულაპარაკოდ ჩავარდნილია. თითქმის ასპროცენტიანი ალბათობით შეგვიძლია ვთქვათ, რომ ანტონიო კონტესთვის ეს "არისტოკრატთა" მწვრთნელის რანგში ბოლო შეხვედრა იქნება, გამარჯვების შემთხვევაშიც კი. ჩემპიონთა ლიგაში ვერმოხვედრით მან რომან აბრამოვიჩისგან ნდობა საბოლოოდ დაკარგა.

ჟოზე მოურინიოს "იუნაიტედი" მხოლოდ მეორე ადგილზე გავიდა პრემიერლიგაში და წარმოიდგინეთ, როგორ უნდა პორტუგალიელს სეზონის ტიტულით დასრულება. კიდევ ერთი ინტრიგა კონტესა და მოურინიოს შორის უაღრესად დაძაბული ურთიერთობაა და ეს დამღა აუცილებლად ექნება ფინალსაც.

სხვათა შორის, 2007 წელს, ახალ "უემბლიზე" პირველ ფინალურ მატჩში ერთმანეთს სწორედ "ჩელსი" და "მანჩესტერ იუნაიტედი" შეხვდნენ. "არისტოკრატებს" მაშინ მოურინიო ედგა სათავეში. დიდიე დროგბას მიერ დამატებით დროში გატანილი გოლით "ჩელსიმ" 1:0 მოუგო სერ ალექს ფერგიუსონის "იუნაიტედს".

ყოველდღიური სპორტული გაზეთი "ლელო"
615
მკითხველის კომენტარები / 0 /
მსგავსი ამბები
რუბრიკის სხვა სიახლეები
;