აშშ საკუთარი სპორტსმენების გამო შიშობს

ამერიკის შეერთებული შტატების ოლიმპიურმა ნაკრებმა, შესაძლოა, არ მიიღოს მონაწილეობა 2018 წლის ზამთრის თამაშებზე და ამის მიზეზი იქნება სიტუაცია ჩრდილოეთ კორეაში. გაერთიანებულ ერებში აშშ-ის ელჩის ნიკი ჰეილის სიტყვებით, ამერიკის მთავრობა შეშფოთებულია საკუთარი სპორტსმენების უსაფრთხოების გამო.

"ჩვენ არაფრის გვეშინია და ჩვეულებრივი ცხოვრებით ვცხოვრობთ. ამერიკელი სპორტსმენებისთვის ოლიმპიადა იქნება შესანიშნავი შანსი, აჩვენონ ის, რაზეც ასე დიდი ხანი მუშაობდნენ. ჩვენ ყველაფერი უნდა გავაკეთოთ იმისთვის, რომ დავრწმუნდეთ თამაშების დროს მათ უსაფრთხოებაში. უნდა ვიცოდეთ ყველაფერი, რაც მათ გარშემო ხდება.

აძლევს თუ არა აშშ-ის მთავრობა თავის სპორტსმენებს რეკომენდაციას პიონჩანგში გამგზავრებაზე? პასუხი დამოკიდებული იქნება ჩრდილოეთ კორეის მომდევნო მოქმედებებზე", - განაცხადა ჰეილიმ.

947
მკითხველის კომენტარები / 0 /
მსგავსი ამბები
რუბრიკის სხვა სიახლეები
;