ახალგაზრდული ოლიმპიადა. ძიუდო: ილია სულამანიძე ფინალშია და... ოქროს ველით

ძიუდოისტი ილია სულამანიძე (100) მესამე ახალგაზრდული ოლიმპიური თამაშების ფინალშია გასული, სადაც ყაზახ ბეკარუს სადუაკასს შეხვდება.

არგენტინის დედაქალაქ ბუენოს აირესში მიმდინარე ამ თამაშებზე სულამანიძემ ქვეჯგუფის ორივე შეხვედრა იპონით მოიგო: ჯერ სლოვენიელი როკ პოგორევცი დაამარცხა, შემდეგ კი მასპინძლებიც დაამწუხრა, როცა არგენტინელი ალეხო ბურგოსი დამატებით დროში დააგდო ბეჭებზე.

ჩვენმა ათლეტმა ყველაზე ძლიერი მეტოქე ნახევარფინალში დაამარცხა - ჭაბუკებში თურქთა ევროპის წლევანდელი ფინალისტი ომერ აიდინი, ვისაც ვაზარით აჯობა.

ფინალური ბლოკი თბილისის დროით 22.00 საათზე დაიწყება.

413
მკითხველის კომენტარები / 0 /
მსგავსი ამბები
რუბრიკის სხვა სიახლეები