ახალი ლოკომოტივი 2020 წლიდან. გუნდი ხუთმა ფეხბურთელმა დატოვა

თბილისის "ლოკომოტივის" ფეხბურთელები წინასასეზონო შეკრების წინ სამედიცინო შემოწმებისთვის შეიკრიბნენ. "რკინიგზული" კლუბის "ფეისბუქის" ოფიციალური გვერდი გვატყობინებს, რომ გუნდიდან წავიდა 5 ფეხბურთელი - ირაკლი კომახიძე, ლაშა გვალია, გიორგი გოროზია, დავით ჯიქია და ლუკა კიკაბიძე.

ყველა მათგანმა "ლოკომოტივი" ურთიერთშეთანხმების საფუძველზე დატოვა. ივნისიდან გუნდი ევროპალიგაში იასპარეზებს და ეს ცვლილებებიც სწორედ ამ პრიზმაში უნდა განვიხილოთ. სავარაუდოა, რომ "რკინიგზელები" საევროპოდ უფრო კონკურენტუნარიან შემადგენლობას მოუყრიან თავს. არც ის არის გამორიცხული, ამ ფეხბურთელების ადგილი ლეგიონერებმაც დაიკავონ.

თუმცა ეს მხოლოდ მაშინ გახდება ცნობილი, როცა "ლოკომოტივი" ახალი სეზონისთვის ვარჯიშს დაიწყებს და კლუბის ხელმძღვანელობა სამომავლო გეგმებზე კონკრეტულად ილაპარაკებს.

1850
მკითხველის კომენტარები / 0 /
მსგავსი ამბები
რუბრიკის სხვა სიახლეები
;