ახალი მარიხუანა და ლუდი ლებრონის საპატივცემულოდ

ამერიკელმა რეპერმა ჯეისონ ტეილორმა, რომელიც The Game-ის ფსევდონიმით გამოდის, მარიხუანას ახალ ჯიშს "კლივლენდის" ფორვარდის ლებრონ ჯეიმსის საპატივცემულოდ დაარქვა სახელი.

ამით ტეილორი იმედოვნებს, რომ დაეხმარება თავის საყვარელ გუნდს - "ლეიკერსს" ლებრონის გადაბირებაში.
"მე და ჩემი კომპანია Trees By Game

წარმოგიდგენთ ახალ ჯიშს - LA Bbron James, - დაწერა თავის "ინსტაგრამზე" ტეილორმა. - აღმაფრენა მომცა ჩემმა ქალაქმა და "ლეიკერსის" მცდელობებმა მეფე ლებრონის გადაბირებაზე".

კალიფორნიის ტერიტორიაზე მარიხუანას გამოყენება სრულად ლეგალურია.

ლებრონ ჯეიმსი 1 ივლისს შეუზღუდავი უფლებების თავისუფალი აგენტი გახდება. პრესის ცნობით, "ლეიკერსი" ფავორიტია ფორვარდისთვის ბრძოლაში.

ამასობაში, სან-ფრანცისკოს ლუდსახარშმა გამოუშვა ახალი სასმელი, სახელწოდებით, "ლებრონის ცრემლები". ბლანტი IPA-ს სიმძლავრეა - 6.5 პროცენტი.

"ფინალური სერიის პირველ მატჩში წაგების შემდეგ, ჩვენ შევაგროვეთ მისტერ ჯეიმსის ცრემლები და დავამზადეთ თქვენთვის ეს ბლანტი IPA", - წერია რეკლამაში.
IPA (India Pale Ale ) - ეს არის ბრიტანული ელის ნაირსახეობა.

ყოველდღიური სპორტული გაზეთი "ლელო"
1591
მკითხველის კომენტარები / 0 /
მსგავსი ამბები
რუბრიკის სხვა სიახლეები
;