ახალი სკანდალი. ამჯერად, ჩინური - გერმანელმა ჟურნალისტმა ჩინელი როდჩენკოვი იპოვა

მსოფლიოს ანტისადოპინგო სააგენტომ (WADA) დაიწყო გამოძიება გასული საუკუნის 80-იან და 90-იან წლებში ჩინეთში სადოპინგო სისტემის შესაძლო მოქმედების საქმეზე, - იტყობინება ორგანიზაციის პრეს-სამსახური.

რამდენიმე დღის წინ, ჩინელმა ექიმმა ინსიან სიუმ, რომელიც მრავალი წელი მუშაობდა ეროვნულ ნაკრებებში, გერმანელი ჟურნალისტის ჰაიო ზეპელტის მორიგ ფილმში ილაპარაკა იმის შესახებ, რომ ჩინელი სპორტსმენები მთავრობის დახმარებით მასობრივად იყენებდნენ დოპინგს. ექიმი იძულებული გახდა დაეტოვებინა სამშობლო და გერმანიაში პოლიტიკური თავშესაფარი მოეთხოვა.

ანტისადოპინგო სააგენტოს განცხადებაში წერია, რომ ორგანიზაცია 2003 წელს მიღებული ანტისადოპინგო კოდექსის შესაბამისად ყველანაირ ზომას მიიღებს, რათა დაადასტუროს ან უარყოს ინსიან სიუს სიტყვები. სააგენტომ მოუწოდა კომისიას - დაიწყოს გამოძიება.

ჟურნალისტი ჰაიო ზეპელტი ცნობილია იმით, რომ მოამზადა რამდენიმე დოკუმენტური ფილმი რუსული დოპინგის შესახებ, რასაც სპორტის ისტორიაში ყველაზე მასშტაბური დოპინგ-სკანდალი მოჰყვა.

ყოველდღიური სპორტული გაზეთი "ლელო"

3598
მკითხველის კომენტარები / 0 /
რუბრიკის სხვა სიახლეები