როგორ იყიდა რუსეთმა მუნდიალი? მოსყიდვა 1.5 მილიონად... ვინ არის ალექსანდრე ჯორჯაძე, რომელმაც სამი საიდუმლო წერილი გაგზავნა?

რუსეთი 2018-ის საორგანიზაციო კომიტეტმა მსოფლიოს 2018 წლის ჩემპიონატის მასპინძელი ქვეყნის არჩევნების წინ, დოსიე შეადგინა ფიფას ყველა ჩინოვნიკზე. ეს დოსიეები შეიცავდა ამ ჩინოვნიკებზე ზემოქმედების სხვადასხვა ვარიანტს მათი ხმების მოსყიდვის მიზნით. ამის შესახებ დაწერა ინტერნეტ-გამოცემა The Insider-მა ტელეგრამ-არხზე Black Mirror-ზე დაყრდნობით.

წყარომ გამოაქვეყნა მოსკოვის კულტურის დეპარტამენტის ყოფილი უფროსის სერგეი კაპკოვის მიმოწერის ფრაგმენტები, საიდანაც ირკვევა, რომ მუნდიალის საორგანიზაციო კომიტეტის გენერალური დირექტორის თანაშემწემ ალექსანდრ ჯორჯაძემ 2010 წლის მარტში სამ ადრესატს - კაპკოვს, არკადი დვორკოვიჩსა და ალექსანდრ პლუტნიკს გაუგზავნა წერილი სახელწოდებით: "ფიფას ჩინოვნიკების დოსიე".

ფაილი შეიცავდა დოსიეს აღმასკომის თითოეულ წევრზე და წინადადებებს - როგორ მოეხდინათ თითოეულ მათგანზე ზემოქმედება. მაგალითად, ფრანც ბეკენბაუერის ხმა უნდა ეყიდათ "გულუხვი ანაზღაურებით", ოღონდ მისი მრჩევლის მეშვეობით, მიშელ პლატინიზე ზემოქმედება კი უნდა ჰქონოდათ უეფას კომერციული პარტნიორების დახმარებით.
ბრიტანელ ჯეფ ტომპსონზე რეკომენდებულია ზეწოლა ცოლისთვის ძვირფასი საჩუქრებით, კვიპროსელი მარიოს ლეფკარიტისის მოსყიდვა შეიძლება 1.5 მილიონ ევროდ.

კორეელ მონ-იუნ ჩუნგზე ზემოქმედება შესაძლებელია მისი ბიზნესის გავლით, ტაილანდელ ვორავი მაკუდისთან მიდგომა შეიძლება პირდაპირი ფინანური ანაზღაურებით. გარდა ამისა, იყო ფინანსური ანაზღაურებით მოლაპარაკების რჩევა ოკეანეთის (რეინალდ ტემარი) და აფრიკის (ისა ჰაიატუ, ამოს ადამუ, ჟაკ ანუმა) წარმომადგენლებთან. ამერიკელ ჩაკ ბლეიზერზე გასვლა კი შეიძლებოდა რომან აბრამოვიჩთან მისი შესაძლო ნაცნობობით, - წერია დოკუმენტში.

იმავე მიმოწერის სხვა დოკუმენტში ზუსტდება, რომ რუსული განაცხადის წარმატებისთვის, აუცილებელია დამყარდეს კონტაქტი აღმასკომის წევრების სანდო პირებთან, ასევე განისაზღვროს რუსულ ბიზნესელიტაში პირები, რომელთა კომერციული ინტერესები იკვეთება აღმასკომის წევრთა ინტერესებთან, რადგან ზოგიერთი მათგანი მსხვილი ბიზნესმენი გახლავთ.

ასევე იყო წინადადება ფიფას ხელმძღვანელობაზე მათი ორგანიზაციის სპონსორთა მეშვეობით ზემოქმედებაზე, ასევე ზეწოლა ბლატერზე მისი ნათესავის მეშვეობით, რომლის კომპანიაც ფლობს ფიფას სატელევიზიო უფლებებს.

2010 წლის 2 დეკემბერს ციურიხში გამოცხადდა მსოფლიოს 2018 წლის ჩემპიონატის მასპინძელი - რუსეთმა არჩევების მეორე ტურში გაიმარჯვა, როცა ხმების ნახევარზე მეტი მიიღო.

5221
მკითხველის კომენტარები / 1 /
შოდა
2
მთელი მსოფლიო ყიდვა-გაყიდვა გახდა! თქვენ რუსეთზე ყაყანებთ. რატომ ხართ ტენდეციურები, განა შეიძლება სულ ცრუობდე და ფულისთვის ყველაფერს კადრულობდე?
მსგავსი ამბები
რუბრიკის სხვა სიახლეები
;