ახალი ფილმი 1972 წლის ოლიმპიადაზე: ქორქია-საკანდელიძე ცივი ომის ფინალში [VIDEO]

Движение вверх 1972 წლის მიუნხენის ოლიმპიადის სსრკ-სა და ამერიკის შეერთებული შტატების ნაკრებებს შორის გამართული ფინალის ეკრანიზაციაა.

შეიძლება, ითქვას, რომ ეს ფილმი ანტონ მეგარდიჩევის საუკეთესო შემოქმედებაა, "მეტროპოლიტენის" ანუ რუსულ კინემატოგრაფიაში გადაღებული ერთ-ერთი საუკეთესო თრილერის შემდეგ, ეს ფილმი ნამდვილად დიდების მწვერვალია...

ფილმმა რუსეთში სარეკორდი 1,7 მილიარდი რუბლი მოაგროვა და ხმაურიან "ლეგენდა #7"-ს ორჯერ აჯობა.

სსრკ-ს ახლად დანიშნული მწვრთნელის, ვლადიმირ კონდრაშინის როლს გენიალური მსახიობი, ვლადიმირ მაშკოვი ასრულებს.

კონდრაშინმა პოსტზე დანიშნვის შემდეგვე აღნიშნა, რომ ოლიმპიურ თამაშებზე ამერიკის ნაკრების დამარცხებას გეგმავს, რაც, როგორც კალათბურთის გულშემატკივარს მოეხსენება, როგორც დღეს, ასევე 1972 წელსაც შეუსრულებელ მისიად ითვლებოდა.

ამ განცხადებამ დიდი მითქმა-მოთქმა გამოიწვია პრესაში და ლეგენდარულ მწვრთნელს ხელმძღვანელებთან დიდი პრობლემები შეექმნა, თუმცა მან უკან არ დაიხა.

კონდრაშინის მიერ დაკომპლექტებული შეუდარებელი ნაკრების ორი წამყვანი მოთამაშე ქართველი იყო. ზურაბ საკანდელიძის როლს ირაკლი მიქავა ასრულებს, მიხეილ ქორქიას როლში კი ოთარ ლორთქიფანიძე მოგვევლინა.

ქართული დუეტი როგორც ისტორიის, ასევე ფილმის უმნიშვნელოვანესი გმირები არიან. მათ პერსონაჟებზე გენიალური კადრებია აგებული, მათ შორის კურიოზულიც და ისეთებიც, რომლებიც ქართულ სულისკვეთებასა და ტრადიციებს გადმოსცემენ.

ქართველი სპორტის მოყვარულისთვის განსაკუთრებით საინტერესოა ის ეპიზოდი, როდესაც სსრკ-ს მთელი ნაკრები ქორქიას დის ქორწილში გაემგზავრება...

ფილმი სპორტული და პოლიტიკურია, რადგანაც, იმ დროს, ეს ორი, განუყრელი მეგობრები იყვნენ, თუმცა არ არის აუცილებელი, რომელიმე მათგანი იყოს თქვენი გატაცება იმისათვის, რომ ეს შედევრი მოგეწონოთ.

ფილმი მეგობრობის, სიკეთის, გუნდური სულისკვეთების, თავგანწირვის, პატივისცემისა და ყველაზე მძიმე დროს პროფესიონალიზმის შენარჩუნებაზეა. გამოკვეთილია ლიდერის ფუნქციებიც, რომელსაც სერგეი ბელოვი ასრულებდა.

განსაკუთრებით სენტიმენტალურია ალექსანდრ ბელოვის ისტორია, რომელსაც ოლიმპიურ თამაშებზე გამგზავრების შემდეგ, სასიკვდილო დიაგნოზს დაუსვამენ. კონდრაშინი კი საკუთარი შვილის ოპერაციისათვის გადადებული ფულით საშკას მკურნალობის ხარჯებს უზრუნველყოფს.

სიკეთე არასდროს იკარგება...

ის, რაც 1972 წელს მიუნხენში მოხდა დიდებული, გახმაურებული მოვლენაა, მაგრამ ფინალს არ გაგიმხელთ, რათა, ვინც საქმის კურსში არაა, ფილმის ნახვისას ორმაგი სიამოვნება მიიღოს.

ეს არის ფილმი, რომელმაც, შესაძლოა, არაერთგვაროვანი ემოციებისგან ცრემლი მოგგვაროთ. კომედია, დრამა, მელოდრამა - ეს სამი მიმართულება ამ შედევრში გაერთიანებულია და მათ სინთეზს ეროვნული, გუნდური, მეგობრული, კეთილი სულისკვეთება აძლევს ფონს. შესანიშნავი მსახიობები, ბრწყინვალე რეჟისორი, განუმეორებელი მუსიკა, ოსტატურად გადაღებული, უმაღლესი ხარისხის კადრები...

მეტი რა შეიძლება ისურვოს სპორტის, კინოს ან სულაც ხელოვნების მოყვარულმა. სპორტი ხომ დიდი ჯადოქრობა და ხელოვნებაა.

ჩაუჯექით!

7291
მკითხველის კომენტარები / 6 /
კოკი
0
გუშინ ვნახე. დიდად ვისიამოვნე. ხელოვნების ნიმუში არაა. კლასიკური კიჩია. გაერთობი, განიტვირთები. "სიყვარული აქცენტით 2"
ჯონი
0
ქართველებმა მართლა უნდა ნახოს ეს ფილმი !!! რადგან ამ ფილმში ბევრი რამ არის პოზიტიური ქართველ ოსტატებზე , რომლებმაც ოლიმპიური მედლები მოიპოვეს !!ასეთი დონის ფილმი ჯერ არ გადაუ.იათ რუსეთში .
მსგავსი ამბები
რუბრიკის სხვა სიახლეები
;