ახალი წიგნი: გორის დარბაზებიდან ოლიმპიურ თამაშებზე

გორში 7 მაისს მსოფლიოს ჩემპიონმა გიორგი კანდელაკმა "ლელოს" ჟურნალისტის ვასილ ბალახაძის წიგნის პრეზენტაციას უმასპინძლა.

"გორის დარბაზებიდან ოლიმპიურ თამაშებზე" ასე ჰქვია წიგნს, რომელიც ვასილ ბალახაძემ გორის დარბაზების გავლით ოლიმპიადაზე მოასპარეზე ყველა სპორტსმენის შესახებ დაწერა. წიგნში საუბარია ამ სპორტსმენთა მიერ ოლიმპიადამდე გავლილი გზის, უშუალოდ ოლიმპიურ თამაშებზე ასპარეზობის შესახებ, აგრეთვე მწვრთნელთა კომენტარები, სპორტსმენთა შეფასებები, ამონარიდები პრესიდან და ა.შ.

პრეზენტაციას ესწრებოდნენ ტიტულოვანი სპორტსმენები, მწვრთნელები ქართული სპორტის მესვეურები, საქართველოს პარლამენტის წევრები სპორტულ ჟურნალისტთა ასოციაციის და ოლიმპიური კომიტეტის ხელმძღვანელები, სპორტის გულშემატკივრები.

"ძალიან დიდი ხნის წინ გორელ მოჭიდავეებზე ილია თომაშვილმა დაწერა წიგნი "შესართაველი ფალავნები" მას შემდეგ ასეთი შთამბეჭდავი და კარგი ნაშრომი არ მინახავს. მიხარია რომ ვასილ ბალახაძემ გორელ სპორტსმენებს გვაჩუქა ეს ბრწყინვალე წიგნი, ყველა აქ შეკრებილნი ძალიან კმაყოფილები ვართ" - თქვა ლეგენდარულმა მწვრთნელმა გურამ პაპიტაშვილმა.

"ვასილ ბალახაძემ ჟურნალისტიკაში მუშაობა ჯერ კიდევ მაშინ დაიწყო, როდესაც სოციალური ქსელები არ არსებობდა და სპორტული ინფორმაციების ერთგვარი დეფიცი იყო, თუმცა ვასილი არც გამოცდილ და არც უმცორსი ასაკის სპოტსმენებს უყურადღებოდ არ გვტოვებდა და საამისოდ ძალიან ბევრს შრომობდა. ზოგს სახლში გვაკითხავდა, ზოგს დარბაზებში, რათა ჩვენი წარმატებებს შესახებ საზოგადოებას, გულშემატკივრებს შეეტყოთ. ამ წიგნში მოცემული არაერთი წარმატებული სპორტსმენის კარიერამ სწორედ მის თვალწინ და მისი დიდი ყურადღების ქვეშ ჩაიარა. მადლობა მას თავისი საქმიანობის და კერძოდ ამ წიგნის გამო" - ამბობს ოლიმპიური ჩემპიონი ლადო ხინჩეგაშვილი

"როდესაც წიგნი გადავშალე გორის სპორტის ისტორია თვალწინ გადამეშალა. თითქმის ყველა, ვინც გორში სპორტული წარმატებების ისტორია შექმნა ამ წიგნში არიან მოცემული. მიხარია, რომ წიგნის პრეზენტაციაზე ამდენი მკითხველია შეკრებილი და ამდენი ტიტულოვანი თუ ცნობილი სპორტსმენი ესწრება. მინდა მადლობა გადავუხადო ბატონ ვასილს და ვუსურვო კიდევ ბევრი წიგნი დაწეროს და გაეხარებინოს თავისი მკითხველი" - თქვა გორის მუნიციპალიტეტის მერმა ბატონმა კონსტანტინე თავზარაშვილმა.

წიგნი საქართველოს სპორტულ ჟურნალისტთა ასოციაციის და საქართველოს განათლების, მეცნიერების, კულტურისა და სპორტის სამინისტროს მხარადჭერით გამოიცა.

499
მკითხველის კომენტარები / 0 /
მსგავსი ამბები
რუბრიკის სხვა სიახლეები
;