ბათუმის დინამო გია გეგუჩაძის დანიშვნამდე ბევრმა მოთამაშემ დატოვა

ბათუმის "დინამოში" გია გეგუჩაძის დანიშვნამდე გუნდი ბევრმა მოთამაშემ დატოვა. გუნდში გატარებული 4-წლიანი კარიერის შემდეგ თბილისის "ლოკომოტივში" ბათუმელთა კაპიტანი თემურ შონია გადავიდა,

ოთარ მარცვალაძე და დავით კვირკველია "რუსთავში", ნიკა მგელაძე - მარტვილის "მერანში".ახლახან კი ნიკა კვანტალიანი პოლონეთის ექსტრაკლასას "ტერმალიკაში" ჩაირიცხა.

ბოლო ტრანსფერი ელგუჯა გრიგალაშვილის აზიაში წასვლა იყო: 28 წლის ფეხბურთელს "რუსთავში" იწვევდნენ, მაგრამ მან არჩევანი უზბეკური კლუბის სასარგებლოდ გააკეთა - ის კარიერას უზბეკეთის კლუბ "ყიზილყუმ ზარაფშანში" გააგრძელებს.

ცხადია, გეგუჩაძე გუნდის დაკომპლექტებას შეუდგა - მან კონტრაქტი 3 წლით გააფორმა და გამოცდილ და ახალგაზრდა მოთამაშეებს უხმობს. რამდენიმე საინტერესო ტრანსფერი უკვე გაცხადდა.

ბათუმის "დინამოს" ახალწვეულები არიან: 30 წლის მეკარე მიხეილ ალავიძე, რომელიც აქ მანამდეც თამაშობდა და გულშემატკივრები კარგად იცნობენ. ასევე, დაიმატეს 30 წლის ფლანგის მცველი ლაშა ჩალაძე, რომელიც გასულ სეზონში მარტვილის "მერანის" ღირსებას იცავდა.

გორის "დილადან" ბათუმში წავიდა მარცხენა მცველი, 24 წლის მალხაზ გაგოშიძე, ლანჩხუთის "გურიადან" კი 28 წლის ცენტრალური ნახევარმცველი ლევან შარიქაძე, რომელმაც კარიერა "გაგრაში" სწორედ გეგუჩაძის დროს დაიწყო და მერე "ზესტაფონშიც" გადაიყვანა.

საჩხერის "ჩიხურადან" დინამოელთა დამრიგებელმა ორი მოთამაშე მიიწვია - 31 წლის უნივერსალი (ცენტრალური მცველი/ნახევარმცველი) ზაზა ჭელიძე და 25 წლის თავდამსხმელი ბესიკ დეკანოიძე.

ბოლო სატრანსფერო სიახლე კი გიორგი ჯანელიძის გადასვლაა: 28 წლის ცენტრალურმა ნახევარმცველმა კარიერა "ვიტ ჯორჯიაში" დაიწყო. სხვადასხვა წლებში თამაშობდა რუსეთის პირველი ლიგის "ნეფტეხიმიკში", ბოლნისის "სიონში", თბილისის "დინამოში", ბოლო სეზონი კი ფოთის "კოლხეთში" გაატარა.

თემურ ქეცბაიას დროს, ეროვნული ნაკრების ფორმაც მოირგო. ჯანელიძემ დიდი როლი ითამაშა, კოლხებმა ლიგაში ადგილი რომ შეინარჩუნეს.

1617
მკითხველის კომენტარები / 1 /
mvx
0
ერთი, გეგუჩაძის მოგებული გამახსენეთ რამე!!!
მსგავსი ამბები
რუბრიკის სხვა სიახლეები
;