ბათუმის დინამო პოლონურ რაკუვთან დაზავდა

ბათუმის "დინამო" სეზონისთვის მზადებას აგრძელებს. გუშინ გია გეგუჩაძის გაწვრთნილებმა ანთალიაში ამხანაგური მატჩი გამართეს პოლონეთის ჩემპიონატის პირველი ლიგის კლუბ ჩესტოხოვის "რაკუვთან".

პოლონური კლუბის საიტი წერს, რომ თავიდან უკეთ ბათუმის "დინამო" გამოიყურებოდა, "რაკუვი" კი ტაიმის მიწურულს გამოცოცხლდა. პოლონელებმა განსაკუთრებით მწვავედ 44-ე წუთზე შეუტიეს.

გოლის გატანა პეტერ მალინოვსკის შეეძლო, თუმცა მშვენივრად ითამაშა ბათუმელთა მეკარე რომან ტაკიძემ.

პოლონელებმა საგოლე მომენტები მეორე ტაიმშიც შექმნეს, მაგრამ ადამ ჩერკასისა და ადამ მესაჟის დარტყმებმა მიზანს ვერ მიაღწია.

ბოლო წუთზე კი ბათუმელებს მოგება შეეძლოთ, თუმცა "რაკუვი" მეკარე მატეუშ კოშმა იხსნა. საბოლოოდ - 0:0.

დინამო: ტაკიძე, ფარტენაძე, ადამაძე, ჭელიძე, ჩალაძე, ვარშანიძე, ჯანელიძე, შარიქაძე, თევდორაძე, ილურიძე, კვარაცხელია; შეცვლაზე: შოვნაძე, ქორიძე, დეკანოიძე, გოგიტიძე, გაგოშიძე, ჭანკოტაძე, ჯოვინო, ქავთარაძე, აბუსელიძე.

13 თებერვალს "რაკუვი" მეორე ქართულ გუნდს, "საბურთალოს" დაუპირისპირდება, ბათუმის "დინამო" კი 22 თებერვლამდე კიდევ სამ ამხანაგურ მატჩს გამართავს.

უახლოესი სპარინგი 15 თებერვალს, ესტონურ "ლევადიასთანაა" დანიშნული. შეგახსენებთ, ეს ის "ლევადიაა", თურქეთში მყოფი საჩხერის "ჩიხურა" 5:1 რომ დაამარცხა.

ყოველდღიური სპორტული გაზეთი "ლელო"
1278
მკითხველის კომენტარები / 0 /
მსგავსი ამბები
რუბრიკის სხვა სიახლეები
;