ბათუმის ორი ქულა და მეორე ადგილი
როვიგო
31
ბათუმი
27
როვიგო (15-9): ოდიეტე, არიგო (ჩოფი 53) მაისტოროვიჩი, დევისი, ბიფი, მანტელი, პაზინი (ლორო 53). (1-8) ბრუნიარა (ვეკინი 79), მომბერხი,^პავეზი (დამიკო 64), ორტისი, პარკერი (ბოჯანი 64), ძანინი, ლუბიანი, ფერო (დე’მარკი 61)
4ლ: ბიფი, მაისტოროვიჩი (2), ჩოფი; 4გ,ს: მანტელი.
სინბინი: არიგო, პაზინი
ბათუმი (15-9): კობახიძე, ტუჩაშვილი, გოგიტიძე, (ტრაპაიძე 58) ურჯუკაშვილი, ჯაბნიძე, ხმალაძე, თუთბერიძე^(ნინიძე 67) (1-8) კვანტიძე, მამრიკიშვილი, გოგისვანიძე (ერისთავი 46), მიქაძე (კორტავა 58), ქოიავა, თხილაიშვილი, ალიქაძე, ბუჯიაშვილი,
4ლ: მამრიკიშვილი, თხილაიშვილი, ხმალაძე, ბუჯიაშვილი. 2გ,ს: კობახიძე
სინბინი: ბუჯიაშვილი
მსაჯი: ფლორინ ბოდეა (რუმინეთი)

სამართლიანობა მოითხოვს აღინიშნოს, რომ ბათუმელებს რეალურად შესწევდათ ძალა ეს თამაში მოეგოთ. თავად განსაჯეთ, პირველ ტაიმში ჩვენმა გუნდმა სამი ლელო გაიტანა და შესვენებაზე 12-ქულიანი უპირატესობით წავიდა - 22:10.


ცხადია, ანგარიშში უპირატესობა ჰაერიდან არ მოსულა. ზღვისპირელები სათამაშო უპირატესობასაც ფლობდნენ და ცუდად არ ირჯებოდნენ. ანგარიში საჯარიმოდან ფულბეკმა ბახვა კობახიძემ გახსნა - 3:0. მერე მრავალფაზიანი შეტევა ლელოთი პირველხაზელმა ბექა მამრიკიშვლმა დაასრულა, კობახიძემ ვერ გარდასხა 8:0. მე-19 წუთისთვის კი, უკვე 15:0 ვიგებდით. ლელო მესამეხაზელმა გიორგი თხილაიშვილმა მიითვალა, კობახიძემ ამჯერად გარდასახვა ზუსტად დაარტყა.


მასპინძლებმა მხოლოდ ამის შემდეგ გამოიღეს ხელი და 35-ე წუთისთვის ანგარიშში სხვაობა ხუთ ქულამდე შეამცირეს - 10:15. ტაიმის მიწურულს ბათუმელთა მგეზავმა ლაშა ხმალაძემ იყოჩაღა. მისი ლელო კობახიძემ გარდასახა - 22:10. როგორც უკვე ვთქვით, ასე დასრულდა პირველი ტაიმი.


მეორე ტაიმში ყველაფერი შეიცვალა. 47-ე წუთიდან 57-ეს ჩათვლით, ანუ 10-წუთიან მონაკვეთში "როვიგომ" სამი ლელო გაგვიტანა და 31:22 დაწინაურდა. ანგარიშში სხვაობის ოთხ ქულამდე შემცირება 62-ე წუთზე ხვიჩა ბუჯიაშვილის ლელოთი შევძელით. დრო მატჩის გადასარჩენად საკმარისი იყო, მაგრამ...


დავით გუგუშვილი, "ბათუმის" მთავარი მწვრთნელი:


"ყველანი დათრგუნულები ვართ. თამაშიდან გამომდინარე მოგება შეგვეძლო და სამწუხაროდ, ეს ვერ მოვახერხეთ. მატჩამდე "როვიგოს" ყველა ფავორიტად მიიჩნევდა, თუმცა პირველ ტაიმში ინიციატივას დავეუფლეთ, ყველაფერი გამოგვდიოდა და შესვენებაზე 12-ქულიანი უპირატესობით გავედით.


მეორე ტაიმის დასაწყისში ასეთი თამაშების გამოცდილება დაგვაკლდა. ჩვენს გუნდში არიან გამოცდილი ბიჭები, თუმცა არიან ისეთებიც, რომლებიც ასეთ დონეზე პირველად თამაშობენ. თავი იჩინა მოკლე სკამის პრობლემამ და დაღლილობამ. დავთმეთ ბურთი, იტალიელებმა ტემპს მოუმატეს და მათ ვეღარ ავყევით.


მიუხედავად ყველაფრისა, ამ თამაშის შემოტრიალება შეგვეძლო. იყო მომენტები, მაგრამ მათი გამოყენება ვერ მოვახერხეთ. ასეთ თამაშში დიდი მნიშვნელობა ენიჭება შეცვლებს, თუმცა ჩვენ რვიდან მხოლოდ ხუთი შეცვლა გამოვიყენეთ. ძლიერ დაგვაკლდა შერკინების ბურჯი ტარიელ დონაძე, რომელმაც ტრავმა ვერ მოიშუშა.


საბედნიეროდ, ამ თამაშის შემდეგ ყველა ჯანმრთელადაა და "ჰაიდელბერგთან" მატჩისთვის დონაძეც დაგვემატება. მზადებას ორშაბათიდან დავიწყებთ. შევისწავლით მეტოქის თამაშს, ვეცდებით ჩვენი შეცდომების აღმოფხვრას და გერმანელებთან მაქსიმალური შედეგის მიღებას".


ამდენად, იტალიიდან ორი საპრემიო ქულა წამოვიღეთ. ერთი ოთხი ლელოს გატანისთვის გვერგო, მეორე კი, რვა ქულაზე ნაკლებით წაგებისთვის.


ჩვენს ჯგუფში, ლისაბონის "უნივერსიტეტის" გარადა, რომელმაც სტუმრად დაამარცხა იტალიური "ვიადანა" - 19:14, ყველამ წააგო და ახლა სატურნირო ცხრილში მეორე ადგილზე ვართ. ჯერ დაკარგული არაფერია და, გამორიცხული არ არის, სახლში ორი მოგებაც საკმარისი იყოს პლეი ოფში გასასვლელად.

I ტური
ტიმიშოარა-პადოვა 29:25
ჰაიდელბერგი-კალვიზანო 23:19
ვიადანა-ლისაბონი 14:19

A ჯგუფი
                თ მ ფ წ  ბ  ქ პ
1. როვიგო 1 1 0 0 +4 5 1
2. ტიმიშოარა 1 1 0 0 +4 0
3. ჰაიდელბერგი 1 1 0 0 +4 0
4. ვიადანა 1 0 0 1 -5 1 1

B ჯგუფი
                   თ მ ფ წ  ბ  ქ პ
1. ლისაბონი 1 1 0 0 +5 4 0
2. ბათუმი 1 0 0 1 -4 2 2
3. კალვიზანო 1 0 0 1 -4 1 1
4. პადოვა 1 0 0 1 -4 1 1

II ტური
21 ოქტომბერი
ბათუმი-ჰაიდელბერგი
კალვიზანო-ვიადანა
პადოვა-როვიგო
ლისაბონი-ტიმიშოარა

584
მკითხველის კომენტარები / 0 /
რუბრიკის სხვა სიახლეები