ბათუმმა ქუთაისის შემდეგ რუსთავიც დაამარცხა

რუსთავი-ბათუმი 63:73
15:18, 13:14, 15:20, 20:21
რუსთავი: ხმელიძე (6ქ), ბლეიზეკი (23ქ, 7მ, 6პ, 4ჩ), ლორთქიფანიძე (2ქ), წიქარიშვილი (3ქ), ჩაჩანიძე (6ქ), გუგავა, ნელსონი (10ქ, 10მ), ბერნარდი (13ქ, 7მ).
ბათუმი: ჩილდრესი (13ქ, 6მ, 6პ, 3ჩ), ქადარია (4ქ, 8მ), სტეფანიშინი (7ქ, 10მ, 5პ), ტომარაძე, თენიეშვილი (8ქ), კოლინზი (15ქ), შემოსიუკი (3ქ), ანდრეიევიჩი (14ქ, 9მ), მიქელაძე (9ქ).

"ბათუმი" აღარ ხუმრობს. აჭარული გუნდი ზედიზედ მეორე მატჩია, ლიდერებს შანსს არ უტოვებს. ჯერ პირველადგილოსან "ქუთაისს" სძლია ბათუმში - 79:60, ამჯერად მეორე ადგილზე მყოფ "რუსთავს" მისსავე მოედანზე აჯობა - 73:63.

ანგარიშიდანაც ჩანს, რომ შეხვედრა მეტად მწირექულიანი გახლდათ. ორივე გუნდი აცილებდა სროლებს, მაგრამ განსაკუთრებით რუსთაველები. მასპინძლების მთავარი იარაღი - შორი სროლები არაეფექტური იყო. საბოლოოდ 28 ცდიდან მხოლოდ 6 შორი სროლა გამოიყენეს.

მართალია, სტუმრებმა საბოლოოდ 4 სამიანი მიითვალეს, მაგრამ მხოლოდ 16 ცდიდან და თანაც, ზღვისპირელებს საქმე სხვა კომპონენტებში მისდიოდათ კარგად. საჯარიმოებსაც მეტოქეზე ზუსტად ესროდნენ და ორქულიანებსაც.

მესამე პერიოდში სტუმრებმა ლიდერობა კიდევ უფრო განიმტკიცეს და დასკვნით მეოთხედს 9-ქულიანი ლიდერობით შეხვდნენ - 52:43. რუსთაველებს თამაშის შემობრუნების შანსი გაუჩნდათ, როცა საფინალო სირენამდე 4 წუთით ადრე ჩამორჩენა 4 ქულამდე შეამცირეს (59:64), მაგრამ ეს მასპინძელთა მაქსიმუმი აღმოჩნდა...

394
მკითხველის კომენტარები / 0 /
მსგავსი ამბები
რუბრიკის სხვა სიახლეები